PM Modi on Budget 2026 | బడ్జెట్ 2026: ఇది భవిష్యత్తు ముఖచిత్రం.. కేవలం ‘ఫాస్టెస్ట్ గ్రోయింగ్’ ట్యాగ్‌తో సరిపెట్టుకోం: ప్రధాని మోదీ

PM Modi on Budget 2026 | త్రినేత్ర.న్యూస్ : కేంద్ర ఆర్థిక మంత్రి నిర్మలా సీతారామన్ పార్లమెంటులో ప్రవేశపెట్టిన 2026 కేంద్ర బడ్జెట్‌పై ప్రధానమంత్రి నరేంద్ర మోదీ హర్షం వ్యక్తం చేశారు. ఇది కేవలం ఒక ఆర్థిక పత్రం మాత్రమే కాదని, 2047 నాటికి వికసిత్ భారత్ నిర్మాణానికి వేస్తున్న బలమైన పునాది అని ఆయన అభివర్ణించారు.

చరిత్రాత్మకం - భవిష్యత్ ముఖచిత్రం

బడ్జెట్ ప్రసంగం అనంతరం జాతినుద్దేశించి ప్రసంగించిన ప్రధాని "ఈ బడ్జెట్ చరిత్రాత్మకమైనది, భవిష్యత్తును చూపించేది (Futuristic). దేశంలోని మహిళా శక్తికి ఇది అద్దం పడుతోంది. ఆర్థిక మంత్రిగా నిర్మలా సీతారామన్ వరుసగా తొమ్మిదోసారి బడ్జెట్‌ను ప్రవేశపెట్టి కొత్త రికార్డు సృష్టించారు" అని ప్రశంసించారు.

ఫాస్టెస్ట్ గ్రోయింగ్ ఎకానమీ

భారతదేశం ప్రస్తుతం ప్రపంచంలోనే వేగంగా అభివృద్ధి చెందుతున్న ప్రధాన ఆర్థిక వ్యవస్థగా గుర్తింపు పొందింది. అయితే, దీనిపై ప్రధాని స్పందిస్తూ.. "భారతదేశం కేవలం 'ఫాస్టెస్ట్ గ్రోయింగ్ ఎకానమీ' (Fastest Growing Economy) అనే ట్యాగ్‌తో సంతృప్తి చెందదు. 140 కోట్ల మంది భారతీయుల ఆకాంక్షలు అంతకంటే గొప్పవి. మనం సాధ్యమైనంత త్వరగా ప్రపంచంలోనే మూడో అతి పెద్ద ఆర్థిక వ్యవస్థగా అవతరించాలి" అని స్పష్టం చేశారు. ఈ బడ్జెట్ ఆ ఆశయ సాధనకు కొత్త శక్తినిస్తుందని ఆయన విశ్వాసం వ్యక్తం చేశారు.

సంస్కరణల ఎక్స్‌ప్రెస్ (Reform Express)

దేశం ప్రస్తుతం సంస్కరణల బాటలో పయనిస్తోందని, ఈ బడ్జెట్ ఆ ప్రయాణానికి మరింత వేగాన్ని జోడిస్తుందని మోదీ అన్నారు. "నేడు భారతదేశం ప్రయాణిస్తున్న 'రిఫార్మ్ ఎక్స్‌ప్రెస్'కు ఈ బడ్జెట్ కొత్త ఇంధనాన్ని, వేగాన్ని అందిస్తుంది. సాహసోపేతమైన, ప్రతిభావంతులైన యువతకు ఆకాశమే హద్దుగా అవకాశాలను కల్పిస్తుంది" అని ఆయన పేర్కొన్నారు.

యువత, పరిశ్రమలకు ప్రాధాన్యం

ఉపాధి, తయారీ రంగం, ఎంటర్‌ప్రెన్యూర్షిప్‌పై ప్రభుత్వం ప్రత్యేక దృష్టి సారించిందని మోదీ తెలిపారు.

కొత్త పథకాలు: బయో-ఫార్మా శక్తి మిషన్, సెమీకండక్టర్ మిషన్ 2.0, ఎలక్ట్రానిక్స్ తయారీ, టెక్స్‌టైల్స్, రేర్ ఎర్త్ కారిడార్ లాంటి పథకాలు వర్తమాన అవసరాలనే కాకుండా భవిష్యత్తు సవాళ్లను కూడా ఎదుర్కొనేలా రూపొందించబడ్డాయని అన్నారు.

మేక్ ఇన్ ఇండియా

మేక్ ఇన్ ఇండియా, ఆత్మనిర్భర్ భారత్ కార్యక్రమాలకు ఈ బడ్జెట్ కొత్త ఊపునిస్తుందని, యువతకు, చిన్న, మధ్య తరహా పరిశ్రమలకు (SME) గరిష్ట ప్రయోజనాలు చేకూరేలా చర్యలు ఉన్నాయని తెలిపారు.

మహిళా సాధికారత అండ్ క్రియేటివ్ ఎకానమీ

ఈ బడ్జెట్ అవకాశాల రహదారి (Highway of opportunities) అని మోదీ అభివర్ణించారు. ముఖ్యంగా 'ఆరెంజ్ ఎకానమీ' (Orange Economy) పేరుతో యానిమేషన్, విజువల్ ఎఫెక్ట్స్, గేమింగ్, కామిక్స్ (AVGC) రంగానికి ఇచ్చిన ప్రాధాన్యతను ఆయన ప్రస్తావించారు. భవిష్యత్తులో ఈ రంగం లక్షల సంఖ్యలో ఉద్యోగాలను సృష్టిస్తుందని, అందుకోసం పాఠశాలలు, కాలేజీల్లో ప్రత్యేక ల్యాబ్‌లను ఏర్పాటు చేయడం అభినందనీయమని అన్నారు.

2047 రోడ్ మ్యాప్

వచ్చే రెండు దశాబ్దాల్లో అంటే 2047 నాటికి భారతదేశాన్ని అభివృద్ధి చెందిన దేశంగా తీర్చిదిద్దే లక్ష్యంతో ప్రభుత్వం సాగిస్తున్న ప్రయాణానికి ఈ బడ్జెట్ ఒక గట్టి ముందడుగు అని ప్రధాని మోదీ పునరుద్ఘాటించారు.

https://x.com/PTI_News/status/2017879385622429855