Benefit of Thar | థార్ ఉంటే రూల్స్ బ్రేక్ చేయొచ్చు.. రాంగ్ రూట్‌లో వెళ్లినా ఎవ‌రూ ప‌ట్టించుకోరు.. Viral Video

త్రినేత‌.న్యూస్‌: మీకు థార్ (Thar) జీపు ఉందా. అయితే మీరు ఎంచ‌క్కా రూల్స్ బ్రేక్ (Traffic Rules) చేయ‌వ‌చ్చు. రాంగ్ రూట్‌లో (Wrong Root) జీపును న‌డుపుతూ ద‌ర్జాగా వెళ్లొచ్చు. అయినా మిమ్మ‌ల్ని ఎవ‌రూ ప‌ట్టించుకోరు. ఇదే థార్‌తో ఉన్న ప్ర‌యోజ‌నం (Benefit of Thar). ఇది మేం చెప్ప‌ట్లేదండోయ్‌... ఓ థార్ జీపు ఓన‌ర్ అభిప్రాయం. థార్‌తో ఉన్న బెనిఫిట్స్ ఏంటో చెబుతూ స్వ‌యంగా దానిని న‌డుపుతూ ఏకంగా ఓ వీడియోనే రూపొందించాడు. Benefit of Thar పేరుతో దానిని సోష‌ల్ మీడియాలో పోస్టు చేశాడు. ప్ర‌స్తుతం అది నెట్టింట తెగ వైర‌ల్ అవుతున్న‌ది.

`థార్ య‌జ‌మాని అయి ఉంటే ఎలాంటి సంకోచం లేకుండా ట్రాఫిక్ నియ‌మాల‌ను బ్రేక్ చేయ‌వ‌చ్చు. రోడ్డుపై రాంగ్ రూట్‌లో వెళ్లినా ఎవ‌రూ ప‌ట్టించుకోరు. ఇదే థార్‌తో క‌లిగే అతిపెద్ద ప్ర‌యోజ‌నం` అంటూ రాంగ్ రూట్‌లో వాహ‌నాన్ని న‌డుపుతూ ఓ వ్య‌క్తి వీడియోను రికార్డు చేశాడు. దీనిపై సోష‌ల్ మీడియాలో పెద్ద చ‌ర్చే న‌డుస్తున్న‌ది. థార్ య‌జ‌మానులు తాము ఏమైనా చేయొచ్చ‌ని అనుకుంటున్నారంటూ నెటిజ‌న్లు మండిప‌డుతున్నారు. క‌చ్చితంగా అది ఎక్క‌డో తెలియ‌క పోయిన‌ప్ప‌టికీ.. ఢిల్లీ పోలీసుల‌కు ఆ వీడియోను ట్యాగ్ చేసి, ఆ వ్య‌క్తి క‌ఠిన చ‌ర్య‌లు తీసుకోవాల‌ని, అత‌ని లైసెన్స్ క్యాన్స్ చేయాల‌ని డిమాండ్ చేస్తున్నారు.

రోహిత్ ధిల్లాన్ అనే నెటిజ‌న్ అయితే.. `క‌రోనా (COVID) ముగిసింది. కానీ మ‌న రోడ్ల‌ను మ‌రొక మ‌హ‌మ్మారి ఆక్ర‌మించింది. అదే థార్ట‌ర్డ్స్ (Thartards) మ‌న‌స్త‌త్వ వైర‌స్‌. ఇది పిచ్చిత‌నానికి మించింది. థార్ కొన‌డంతో ఇంగితం ఎలా పోతుంది?. ఇది నిజంగా ఆందోళ‌న క‌లిగించేది, ప్ర‌మాద‌క‌ర‌మైన‌ది. థార్ కొన్న త‌ర్వాత మాన‌స్థితి ఎలా మారుతో ఎవ‌రైనా చెబితే.. వారికి కుటుంబ స‌మేతంగా వారం రోజుల‌పాటు స‌ర‌ద‌గా గ‌డిపేందుకు స్పాన్స‌ర్ చేస్తా. ఈ వైర‌స్ వేగంగా వ్యాప్తి చెందుతున్న‌ది కాబ‌ట్టి.. మీ బంధువులు, స‌న్నిహితులు ఈ వాహ‌నాన్ని కొన‌కుండా చూసుకోండి` అంటూ ఎక్స్ వేదిక‌గా మండిప‌డ్డాడు.

COVID ended, but another epidemic took over our roads the Thartards mentality virus! This mindset is beyond insane.

How does buying a vehicle suddenly delete common sense? It’s honestly shocking and dangerous.

If anyone can genuinely figure out what psychological switch… pic.twitter.com/aZF519zRdv

— Rattan Dhillon (@ShivrattanDhil1) January 11, 2026