Nitin Nabin | బీజేపీ అధ్య‌క్షుడిగా బాధ్య‌త‌లు స్వీక‌రించిన నితిన్ న‌బీన్‌

Nitin Nabin | బీజేపీ (BJP) జాతీయ అధ్య‌క్షుడిగా ఏక‌గ్రీవంగా ఎన్నికైన నితిన్ న‌బీన్ (Nitin Nabin) మంగ‌ళ‌వారం బాధ్య‌త‌లు స్వీక‌రించారు. ఢిల్లీలోని బీజేపీ జాతీయ ప్ర‌ధాన కార్యాల‌యంలో నిర్వ‌హించిన కార్య‌క్ర‌మంలో ప్ర‌ధాన మంత్రి న‌రేంద్ర మోడీ (PM Narendra Modi) , కేంద్ర మంత్రులు అమిత్‌షా (Amit Shah), రాజ్‌నాథ్ సింగ్‌ (Rajnath Singh), వివిధ రాష్ట్రాల బీజేపీ అధ్య‌క్షులు పాల్గొన్నారు. ఈ సంద‌ర్భంగా మోడీ మాట్లాడుతూ తాను బీజేపీ సాధార‌ణ కార్య‌క‌ర్త‌న‌ని, త‌న‌కు కూడా నితిన్ న‌బిన్ బాస్ అని అన్నారు. బీజేపీలో సాధార‌ణ కార్య‌క‌ర్త కూడా జాతీయ అధ్య‌క్షుడు కాగ‌ల‌డ‌ని మ‌రోసారి నిరూపిత‌మైంద‌ని చెప్పారు. ప్ర‌జాసేవే ల‌క్ష్యంగా పార్టీ శ్రేణులు ప‌నిచేస్తున్నాయ‌న్నారు. బీజేపీలో నిర్ణ‌యాలు, ఎంపిక‌లు అన్నీ ప్ర‌జాస్వామ్య‌బ‌ద్ధంగా ఉంటాయ‌ని స్ప‌ష్టం చేశారు.