Ban on Non Veg | జ‌న‌వ‌రి 26న మాంసాహారం అమ్మ‌కాలు బంద్‌.. కోడిగుడ్లు కూడా..

త్రినేత్ర‌.న్యూస్‌: మ‌రో రెండు రోజుల్లో దేశ‌వ్యాప్తంగా గ‌ణ‌తంత్ర దినోత్స‌వ (Republic Day) వేడుకలు అంగ‌రంగ వైభ‌వంగా జ‌రుగనున్నాయి. వేడుక‌ల కోసం ప‌ల్లె ప‌ట్నం అని తేడాలేకుండా ఢిల్లీ నుంచి గ‌ల్లీ వ‌ర‌కు ఏర్పాట్లు ముమ్మ‌రంగా జ‌రుగ‌నున్నాయి. అయితే జెండా పండుగ అంటే అంతా సెల‌వుగా భావిస్తున్నారు. దావ‌త్‌లతో రోజంతా ఎంజాయ్ చేస్తుంటారు. ఈ నేప‌థ్యంలో ఒడిశాలోని కోరాపుట్ జిల్లా (Koraput) అధికారులకు ఓ ఆలోచ‌న త‌ట్టింది. జ‌న‌వ‌రి 26న‌ జిల్లా వ్యాప్తంగా నాన్‌వెజ్ అమ్మ‌కాల‌పై నిషేదం (Ban on Non Veg) విధించారు. చివ‌రికి కోడిగుడ్లు కూడ అమ్మ‌కూడ‌ద‌ని వ్యాపారుల‌కు స్ప‌ష్టం చేశాఉ.

జ‌న‌వ‌రి 26న 77వ గ‌ణ‌తంత్ర దినోత్స‌వ వేడుక‌ల‌ను జ‌రుపుకొంటున్నాం. ఈ సంద‌ర్భంగా కోరాపుట్ జిల్లాలో మాంసం, చికెన్‌, చేప‌లు, గుడ్లు, ఇత‌ర మాంసాహార ప‌దార్థాల‌ను వ్యాపారులు అమ్మ‌కూడ‌దు. స్థానిక త‌హసీల్దారులు, బ్లాక్ డెవ‌ల‌ప్‌మెంట్ అధికారులు, ఎగ్జిక్యూటివ్ అధికారులు త‌మ ప‌రిధిలో ఇది పూర్తిస్థాయిలో అమ‌ల‌య్యేలా చూడాలంటూ జిల్లా మేజిస్ట్రేట్ మ‌నోజ్ స‌త్య‌వాన్ మ‌హాజ‌న్ ఆదేశాలు జారీచేశారు.