Shiv Sena UBT Merger | ఉద్ధవ్ ఠాక్రేకు స్పీకర్ బిగ్ షాక్: ఏక్‌నాథ్ షిండే వర్గంలోకి ఆరుగురు ఎంపీలు.. టీఎంసీలోనూ చీలిక!

Shiv Sena UBT Merger | త్రినేత్ర.న్యూస్ : లోక్‌సభ (Lok Sabha) సభాపతి ఓం బిర్లా శనివారం సంచలన నిర్ణయం తీసుకున్నారు. శివసేన (ఉద్ధవ్ బాలాసాహెబ్ ఠాక్రే) పార్టీకి చెందిన ఆరుగురు ఎంపీలను ఏక్‌నాథ్ షిండే నేతృత్వంలోని అసలు శివసేనలో విలీనం చేసేందుకు (Merger) ఆయన అధికారికంగా గ్రీన్ సిగ్నల్ ఇచ్చారు. ఈ తాజా పరిణామంతో సభలో షిండే వర్గం బలం ఒకేసారి 13కు చేరుకుంది.

దీనికి సంబంధించి లోక్‌సభ సెక్రటేరియట్‌లోని టేబుల్ ఆఫీస్ ఒక అధికారిక సర్క్యులర్ విడుదల చేసింది. 18వ లోక్‌సభలో మారిన పార్టీల బలాబలాలను (Revised party positions) వివరిస్తూ ఈ డాక్యుమెంట్ వెలువడింది.

బీజేపీ వ్యూహం.. బిల్లులకు మార్గం సుగమం

ప్రస్తుతం కేంద్రంలోని అధికార బీజేపీ (BJP).. 131వ రాజ్యాంగ సవరణ బిల్లు (మహిళా రిజర్వేషన్ల చట్టం), అలాగే డీలిమిటేషన్ (Delimitation) బిల్లులను సభలో ఆమోదింపజేసుకోవాలని గట్టి పట్టుదలతో ఉంది. వీటికి కచ్చితంగా రెండొంతుల మెజార్టీ (Two-thirds majority) సాధించాల్సి ఉండటంతో బీజేపీ అధిష్ఠానం పావులు కదుపుతోంది. ఈ తరుణంలో జరిగిన తాజా విలీనం రాజకీయంగా ఎంతో కీలకం. ఈ పరిణామంతో ఎన్డీయే (NDA) కూటమిలో తెలుగుదేశం పార్టీ (టీడీపీ - 16 ఎంపీలు) తర్వాత శివసేన రెండో అతిపెద్ద మిత్రపక్షంగా అవతరించింది.

టీఎంసీ రెబల్స్‌ వ్యవహారంపై ఆదివారం తేలనున్న ఉత్కంఠ

మరోవైపు, పశ్చిమ బెంగాల్‌లో అధికార తృణమూల్ కాంగ్రెస్ (TMC) పార్టీకి కూడా గట్టి ఎదురుదెబ్బ తగలనున్నట్లు కనిపిస్తోంది. టీఎంసీ నుంచి విడిపోయి నేషనలిస్ట్ సిటిజన్స్ పార్టీ ఆఫ్ ఇండియా (NCPI)గా ఏర్పడిన 20 మంది ఎంపీలకు లోక్‌సభలో ప్రత్యేకంగా కూర్చునేందుకు (Separate Seating) స్పీకర్ ఇప్పటికే ఆమోదం తెలిపారు.

అయితే, ఈ 20 మంది ఎంపీల విలీనానికి అధికారిక గుర్తింపు ఇంకా లభించలేదు. శనివారం విడుదల చేసిన జాబితా ప్రకారం, అభిషేక్ బెనర్జీ నేతృత్వంలోని టీఎంసీకి లోక్‌సభలో ఇంకా 28 మంది ఎంపీలు ఉన్నట్లుగానే రికార్డులు చెబుతున్నాయి. దీనికి సంబంధించి ఆదివారం నాడు టీఎంసీ రెబల్ గ్రూప్‌పై స్పీకర్ ఓం బిర్లా తుది నిర్ణయం తీసుకునే అవకాశం ఉన్నట్లు సంబంధిత వర్గాలు వెల్లడించాయి.

The Lok Sabha Secretariat has approved the merger of six rebel MPs from Uddhav Thackeray-led Shiv Sena faction with the Shiv Sena led by Maharashtra Deputy Chief Minister Eknath Shinde.#ShivSenaMerger | #MaharashtraPolitics | #LokSabhaSecretariat | #EknathShinde | #UNI pic.twitter.com/IJKzuJiBMp

— United News of India (@uniindianews) July 18, 2026