Eagle on Puri Jagannath temple Flag | యుగాంతం సమీపించిందా? పూరీ జగన్నాథుని ఆలయ శిఖరంపై గద్ద.. భవిష్య మాలిక నిజం కానుందా?

Eagle on Puri Jagannath temple Flag | త్రినేత్ర.న్యూస్ : పూరీ జగన్నాథుని ఆలయం చుట్టూ ఎన్నో అంతుచిక్కని రహస్యాలు ఉన్నాయి. ఆ శ్రీమందిరంపై ఎగిరే జెండా (పతితపావన జెండా), నీలచక్రం ఎప్పుడూ భక్తులకు ఒక అద్భుతమే. అయితే, తాజాగా జగన్నాథ ఆలయ శిఖరంపై ఉన్న పవిత్ర జెండాపై ఒక గద్ద (Eagle) వాలిన దృశ్యం భక్తులను, సందర్శకులను ఆశ్చర్యానికి గురిచేసింది. ఈ అరుదైన ఘటన ఇప్పుడు ఇంటర్నెట్‌లో తీవ్ర చర్చనీయాంశంగా మారింది. ఒకవైపు అమెరికా, ఇజ్రాయెల్, ఇరాన్ దేశాల మధ్య ఉద్రిక్తతలు పెరుగుతూ.. ప్రపంచం మరో పెను యుద్ధం (World War) అంచున ఉన్నట్లు కనిపిస్తున్న ప్రస్తుత తరుణంలో, ఈ అరుదైన దృశ్యం వెలుగులోకి రావడం భయాందోళనలను పెంచుతోంది.

సోషల్ మీడియాలో రెండు వాదనలు

ఈ ఘటనపై సోషల్ మీడియాలో నెటిజన్లు భిన్నంగా స్పందిస్తున్నారు.

గరుత్మంతుని దర్శనం: కొందరు ఈ దృశ్యాన్ని సానుకూల కోణంలో చూస్తున్నారు. సాక్షాత్తూ ఆ గరుత్మంతుడే (Garuda) జగన్నాథుని ఆలయానికి కాపలాగా ఉన్నాడని, స్వామిని దర్శించుకోవడానికి వచ్చాడని భక్తులు భావిస్తున్నారు.

యుద్ధానికి సంకేతం: మరికొందరు మాత్రం దీనిని అరిష్టంగా భావిస్తున్నారు. ప్రపంచవ్యాప్తంగా యుద్ధ వాతావరణం నెలకొన్న ఈ సమయంలో పవిత్రమైన జెండాపై గద్ద వాలడం ఏదో జరగరాని కీడుకు, ప్రళయానికి సంకేతమని ఆందోళన వ్యక్తం చేస్తున్నారు.

'భవిష్య మాలిక' ఏం చెబుతోంది? యుగాంతం సమీపించిందా?

15-16వ శతాబ్దంలో ఒడిశాకు చెందిన 'పంచసఖలు' (ఐదుగురు సాధువులు) జగన్నాథుని మార్గదర్శకత్వంలో రచించిన ప్రసిద్ధ భవిష్యవాణి గ్రంథం 'భవిష్య మాలిక' (Bhavishya Malika). ఈ గ్రంథంలో భవిష్యత్తులో జరగబోయే ఎన్నో పరిణామాలను అంచనా వేశారు. ఈ గ్రంథంలోని శ్లోకాల ప్రకారం.. జగన్నాథ ఆలయ శిఖరంపై ఉన్న నీలచక్రం లేదా పవిత్రమైన జెండా (పతితపావన జెండా)పై గద్ద, రాబందు, లేదా డేగ వంటి అపవిత్ర పక్షులు (వీటిని గ్రంథంలో 'గృధ్ర' అని పేర్కొన్నారు) వాలితే అది పెను వినాశనానికి సంకేతం. ఇది కలియుగం అంతం (End of Kali Yuga) కావడానికి, అలాగే పాపాత్ములను శిక్షించేందుకు కల్కి అవతారం (Lord Kalki) రాకకు స్పష్టమైన సంకేతమని అందులో పేర్కొన్నారు. తాజాగా ఆలయ శిఖరంపై గద్ద వాలిన ఘటన, మిడిల్ ఈస్ట్‌లో రాజుకుంటున్న యుద్ధ వాతావరణం.. ఇవన్నీ ఒకేసారి జరుగుతుండటంతో 'భవిష్య మాలిక'లో చెప్పినవి నిజం కాబోతున్నాయా అన్న చర్చ సర్వత్రా మొదలైంది.