CNG Prices | మళ్లీ పెరిగిన సీఎన్జీ ధరలు.. 11 రోజుల్లో మూడోసారి పెంపు..!
CNG Prices | దేశ రాజధాని ఢిల్లీలో సీఎన్జీ ధరలు మరోసారి పెరిగాయి. తాజా పెంపుతో ఢిల్లీలో సీఎన్జీ ధర కిలోకు రూ.83.09కు చేరింది. ఇది గత ధరతో పోలిస్తే రూ.2 పెరిగింది. కేవలం 11 రోజుల్లో మూడోసారి సీఎన్జీ ధరలు పెరిగాయి.
CNG Prices | దేశ రాజధాని ఢిల్లీలో సీఎన్జీ ధరలు మరోసారి పెరిగాయి. తాజా పెంపుతో ఢిల్లీలో సీఎన్జీ ధర కిలోకు రూ.83.09కు చేరింది. ఇది గత ధరతో పోలిస్తే రూ.2 పెరిగింది. కేవలం 11 రోజుల్లో మూడోసారి సీఎన్జీ ధరలు పెరిగాయి. తొలిసారిగా మే 12న రూ.2 పెంచగా.. గత శనివారం మరోసారి రూ.1 పెంచింది. తాజాగా రూ.2 పెరగడంతో మే 15 నుంచి ఇప్పటివరకు మొత్తం రూ.5 వరకు ధరలు పెరిగినట్లయింది. నోయిడా, గ్రేటర్ నోయిడా, ఘజియాబాద్లో సీఎన్జీ ధరలు ఇప్పటికే కిలోకు రూ.88.70కి చేరగా, ముంబయిలో కూడా ధరలు పెరిగి ప్రస్తుతం కిలోకు రూ.84 వద్ద కొనసాగుతున్నాయి. అయితే, గృహ వినియోగానికి సరఫరా అయ్యే పైప్డ్ నేచురల్ గ్యాస్ (PNG), అలాగే డొమెస్టిక్ ఎల్పీజీ సిలిండర్ ధరల్లో ఇప్పటివరకు మార్పులు కనిపించలేదు.
అంతర్జాతీయంగా ముడి చమురు ధరలు పెరుగుతుండటమే.. ధరల పెరుగుదలకు కారణమని ఆయిల్ మార్కెటింగ్ కంపెనీలు పేర్కొంటున్నాయి. ఇరాన్–అమెరికా ఉద్రిక్తతల నేపథ్యంలో కీలకమైన హార్ముజ్ జలసంధి మార్గంలో సరఫరా అంతరాయం ఏర్పడుతుండడం వంటి ఆందోళనలు ధరల పెరుగుదలకు కారణమని పరిశ్రమ వర్గాలు పేర్కొంటున్నాయి. ఇటీవల బ్రెంట్ క్రూడ్ ధర బ్యారెల్కు 86 డాలర్లకు చేరింది. ఇరాన్-యూఎస్ ఉద్రికత్తలకు ముందు 72 డాలర్ల వద్ద కొనసాగింది. ఇక పెట్రోల్, డీజిల్ ధరలు కూడా ఇటీవలే పెరిగిన విషయం తెలిసిందే. పెరుగుతున్న అంతర్జాతీయ ధరలు, భౌగోళిక ఉద్రిక్తతల కారణంగా ఇంధన రంగంపై ఒత్తిడి పెరుగుతోందని నిపుణులు చెబుతున్నారు. ఈ వరుస పెంపులతో రవాణా రంగంపై ప్రభావం పడే అవకాశం ఉందని భావిస్తున్నారు. ప్రయాణ ఖర్చులు పెరగడం వల్ల నిత్యావసర వస్తువుల ధరలు కూడా పెరిగే అవకాశం ఉందని అంచనా వేస్తున్నారు.
సంబంధిత వార్తలు

Jatayu | సీతమ్మను ఎత్తుకెళ్తుండగా.. రావణుడితో పోరాడి జటాయువు ప్రాణాలు విడిచింది ఇక్కడే..!
నవంబర్ 16, 2026

Woman Murder in Trial Room | షోరూమ్లో ఘోరం: ట్రయల్ రూమ్లోకి తీసుకెళ్లి యువతి గొంతు కోసిన స్నేహితుడు
నవంబర్ 15, 2026

IND Vs NZ | వన్డే సిరీస్ భారత్దే.. ఐదో వన్డేలో 22 పరుగుల తేడాతో గెలుపు
నవంబర్ 15, 2026
తాజావార్తలు
- ●BRS Party | 22న ఓరుగల్లులో బీఆర్ఎస్ బహిరంగ సభ..!
- ●Tenth Exam Fee | టెన్త్ విద్యార్థులకు అలర్ట్.. పది పరీక్షల ఫీజు గడువు పొడిగింపు
- ●Yadagirigutta | యాదగిరిగుట్టలో 20 నుంచి కార్తికోత్సవాలు
- ●Heavy Rain | 20న తెలంగాణలో అతి భారీ వర్షం..! జర జాగ్రత్త..!!
- ●Horoscope | నవంబర్ 17 రాశిఫలాలు.. ఈ రాశి వారు ఏ పని చేపట్టినా విజయం తథ్యం..!
- ●Telangana Employees JAC | తెలంగాణ ఉద్యోగుల జేఏసీ భేటీ: ఓపీఎస్ పునరుద్ధరణ, 2వ పీఆర్సీ అమలు సహా 41 ప్రధాన డిమాండ్లు ఇవే!

BRS Party | 22న ఓరుగల్లులో బీఆర్ఎస్ బహిరంగ సభ..!

Tenth Exam Fee | టెన్త్ విద్యార్థులకు అలర్ట్.. పది పరీక్షల ఫీజు గడువు పొడిగింపు

Yadagirigutta | యాదగిరిగుట్టలో 20 నుంచి కార్తికోత్సవాలు

Heavy Rain | 20న తెలంగాణలో అతి భారీ వర్షం..! జర జాగ్రత్త..!!



