Get together | 50 ఏళ్ల త‌ర్వాత గెట్ టూ గెద‌ర్.. కిడ్స్‌గా మారిపోయిన వృద్ధులు.. వీడియో

Get together | త్రినేత్ర‌.న్యూస్ : ఇటీవ‌లి కాలంలో చాలా మంది పూర్వ విద్యార్థుల స‌మ్మేళ‌నం ఏర్పాటు చేసుకుంటున్నారు. టెన్త్, ఇంట‌ర్, డిగ్రీ, పీజీ విద్యార్థులు చాలా ఏళ్ల త‌ర్వాత క‌లుసుకుని గ‌త స్మృతుల‌ను గుర్తు చేసుకుంటున్నారు. నాటి జ్ఞాప‌కాల్లో తేలియాడిపోతున్నారు.. ఆనాటి సంతోషాల‌ను, ఆట‌ల‌ను నెమ‌రేసుకుంటున్నారు. మ‌రి ముఖ్యంగా ప‌దో త‌ర‌గ‌తి పూర్వ విద్యార్థుల స‌మ్మేళ‌నం.. ఎన్నో తీపి జ్ఞాప‌కాల‌ను గుర్తు చేస్తుంది. ఎందుకంటే దాదాపు ఐదారు త‌ర‌గ‌తుల నుంచి ప‌దో త‌ర‌గ‌తి వ‌ర‌కు అంటే ఓ ఆరేండ్ల పాటు క‌లిసి ఉండ‌డం. ఇది మ‌రుపురాని అనుభూతిని క‌లిగిస్తుంది. ఎన్నో అల్ల‌రి, చిలిపి చేష్ట‌ల‌ను గుర్తు చేస్తుంది.

అంద‌రి లాగే.. 1976కు చెందిన ఓ బ్యాచ్.. ఇటీవ‌ల గెట్ టు గెద‌ర్ ఏర్పాటు చేసుకుంది. అంటే ఈ బ్యాచ్ వారంతా 50 ఏళ్ల‌కు పైబ‌డిన వారే. ముస‌లిత‌నంలో ఉన్న వారంతా.. ఒక రోజంతా కిడ్స్‌గా మారిపోయారు. త‌మ స్కూల్‌డేస్‌ను ఫాలో అయ్యారు. నాటి స్కూల్ డ్రెస్ మాదిరి దుస్తుల‌నే ధ‌రించారు. బ్యాగులు వేసుకుని, వాట‌ర్ బాటిల్స్‌తో స్కూల్ గేటు ఓపెన్ చేసుకుని ప‌రుగెత్తుకుంటూ త‌మ గ్రౌండ్‌లో వాలిపోయారు. ఐదు ద‌శాబ్దాల క్రితం వారు ఆడిన ఆట‌ల‌ను మ‌రోసారి గుర్తు చేసుకుంటూ.. ఆట‌లాడారు. చుక్ చుక్ రైలు ఆట‌, గోనెబిళ్ల ఆట‌తో పాటు ప‌లు ఆట‌ల‌ను స‌ర‌దాగా ఆడిపాడారు. ప్ర‌స్తుతం ఈ గెట్ టు గెద‌ర్‌కు సంబంధించిన వీడియో నెట్టింట వైర‌ల్ అవుతోంది.

1976 బ్యాచ్‌కు చెందిన రాకేశ్ న‌గ‌ర్ అనే వ్య‌క్తి త‌న ఇన్‌స్టా ఖాతాలో ఈ వీడియోను షేర్ చేశారు. ల‌క్ష‌ల మంది వీడియోను లైక్ చేశారు. వేలాది మంది ప్ర‌శంస‌ల‌తో ముంచెత్తారు. ఇది క‌దా స్నేహమంటే అని ప్ర‌శంసిస్తున్నారు.