రాజ‌ధాని, వందేభార‌త్ లాంటి రైళ్ల‌లో ఉచితంగా 1 లీట‌ర్ మిన‌ర‌ల్ వాట‌ర్ బాటిల్ ఇవ్వ‌డం లేదా..? స్ప‌ష్ట‌త‌నిచ్చిన ఐఆర్‌సీటీసీ..

కోవిడ్ 19 అనంతరం దేశవ్యాప్తంగా ఉన్న పలు ప్రీమియం రైళ్లలో ప్రయాణికులకు ఫుడ్ను అందించే విషయమై ఐఆర్సీటీసీ అనేక మార్పులు చేపట్టింది. కోవిడ్కు ముందు ప్రయాణికులు ఆయా రైళ్లలో టిక్కెట్లను బుక్ చేస్తే అందులోనే మీల్స్ కూడా ఆటోమేటిగ్గా కలిసేది. దీంతో ప్రయాణికులు ఒకే టిక్కెట్కు గాను ప్రయాణం, మీల్స్ చార్జిలను ఒకేసారి చెల్లించేవారు. వారు ప్రయాణంలో ఉన్నప్పుడు ఆటోమేటిగ్గా మీల్స్ వచ్చేది. అయితే కోవిడ్ అనంతరం ఆయా రైళ్లలో టిక్కెట్లను బుక్ చేసుకుంటే ప్రయాణికులకు ఆప్షన్ అందించడం మొదలు పెట్టారు. ఫుడ్ కావాలా, వద్దా అనే యాప్షన్ను జత చేశారు. దీంతో రైలులో అందించే ఫుడ్ అవసరం లేదని అనుకుంటే టిక్కెట్ బుక్ చేసే సమయంలోనే ఫుడ్ వద్దనే ఆప్షన్ను సెలెక్ట్ చేసుకోవచ్చు. దీంతో అంత మేర టిక్కెట్ చార్జి తగ్గుతుంది. అయితే టిక్కెట్ బుకింగ్ సమయంలో ఫుడ్ వద్దనే ఆప్షన్ను సెలెక్ట్ చేసుకున్నా సరే ప్రయాణికులు ప్రయాణ సమయంలో కావాలనుకుంటే మళ్లీ రైలులో ఉండే ఫుడ్ను ఆర్డర్ చేయవచ్చు. ఇందులో నిబంధన ఏమీ లేదు. కానీ ఆయా ప్రీమియం రైళ్లలో ఫుడ్ ఆప్షన్ను సెలెక్ట్ చేసుకోకపోతే అలాంటి ప్రయాణికులకు భారతీయ రైల్వే అందించే 1 లీటర్ మినరల్ వాటర్ బాటిల్ను ఇవ్వడం లేదని ప్రయాణికులు ఆరోపిస్తున్నారు. కేవలం రైలులో అందించే ఫుడ్ను కావాలని టిక్కెట్ బుకింగ్ సమయంలో ఆప్షన్ను ఎంచుకునే వారికి మాత్రమే ఆ నీళ్లను అందిస్తున్నారని కొందరు ప్రయాణికులు ఫిర్యాదు చేస్తున్నారు. అయితే దీనిపై ఆర్సీటీసీ వివరణ, స్పష్టత ఇచ్చింది. ఈ సందర్భంగా ఐఆర్సీటీసీ అధికారి ఒకరు ఓ జాతీయ పత్రికకు ఇచ్చిన ఇంటర్వ్యూలో మాట్లాడుతూ రైళ్లలో అందుబాటులో ఉండే రైల్ నీర్ 1 లీటర్ మినరల్ వాటర్ బాటిల్ను సాధారణ ప్రయాణికులు కొనుగోలు చేసి తాగవచ్చు. కానీ రాజధాని, వందే భారత్ వంటి ప్రీమియం రైళ్లలో ఈ వాటర్ బాటిల్ను ఇప్పటికీ ఉచితంగానే అందిస్తున్నారు. ఇందులో ఎలాంటి మార్పు చేయలేదు. ప్రయాణికులు టిక్కెట్ బుకింగ్ సమయంలో ఫుడ్ కావాలని లేదా వద్దని ఎలా ఆప్షన్ను ఎంచుకున్నప్పటికీ వారికి ఆ వాటర్ బాటిల్ను అందరికీ ఇస్తున్నామని తెలిపారు. అయితే ఫుడ్ కావాలా, వద్దా అని ఎంచుకునే ఆప్షన్ ప్రస్తుతం టిక్కెట్ బుకింగ్ సమయంలో కనిపించడం లేదని కొందరు ప్రయాణికులు ఫిర్యాదు చేయగా అందుకు ఆ అధికారి స్పందిస్తూ.. ఆ ఆప్షన్ను తాము తొలగించలేదని, కానీ దాని స్థానాన్ని మార్చామని, అందుకనే అది కనిపించడం లేదని ఫిర్యాదు చేస్తున్నారని, వాస్తవానికి ఆ ఆప్షన్ అక్కడే ఉందని, టిక్కెట్ బుకింగ్ సమయంలో మరోసారి జాగ్రత్తగా పరిశీలించాలని సూచించారు. కాగా రాజధాని, వందే భారత్, శతాబ్ది వంటి ప్రీమియం రైళ్లలో టిక్కెట్ బుకింగ్ సమయంలోనే ఫుడ్ను కూడా ఆర్డర్ చేసే విధంగా ఆప్షన్ ఎప్పటి నుంచో అందుబాటులో ఉంది. కానీ ఈ మధ్య తరచూ నియమాలను మారుస్తుండడం వల్ల ప్రయాణికులు కన్ఫ్యూజ్ అవుతున్నారని అంటున్నారు. అలాగే రైళ్లలో అందిస్తున్న ఆహారం కూడా ఏమీ బాగుండడం లేదని తరచూ ప్రయాణికులు ఫిర్యాదు చేస్తుండడం మనం వార్తల్లో చదువుతూనే ఉన్నాం. ఈ క్రమంలోనే ప్రస్తుతం వాటర్ బాటిల్పై నెలకొన్న వివాదంపై ఐఆర్సీటీసీ అధికారి అలా స్పందించారు.

FOLLOW US

ట్యాగ్స్:

సంబంధిత వార్తలు

Railway Tickets | రైల్వే ప్ర‌యాణికుల‌కు బంప‌ర్ ఆఫ‌ర్‌.. టిక్కెట్ ధ‌ర‌ల‌పై ఏకంగా 6 శాతం డిస్కౌంట్‌..

Train Travel Insurance | 35 పైస‌ల‌కే రూ.10 ల‌క్ష‌ల ఇన్సూరెన్స్‌.. రైళ్లలో ప్ర‌యాణం చేస్తే దీన్ని ఉప‌యోగించుకోండి..!

Railway Charges | డిసెంబ‌ర్ 26 నుంచి పెర‌గ‌నున్న రైల్వే టిక్కెట్ల చార్జిలు.. ఎంత అంటే..?

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Railway Tickets | రైల్వే ప్ర‌యాణికుల‌కు బంప‌ర్ ఆఫ‌ర్‌.. టిక్కెట్ ధ‌ర‌ల‌పై ఏకంగా 6 శాతం డిస్కౌంట్‌..

Ukraine Drones Attack On Moscow | మాస్కోపై ఉక్రెయిన్ డ్రోన్ల దాడి.. ధ్రువీక‌రించిన ర‌ష్యా..

Gig Workers Flash Strike | నేడే గిగ్ వ‌ర్క‌ర్ల దేశ‌వ్యాప్త మెరుపు స‌మ్మె.. ప్ర‌భావం ఎలా ఉండబోతుంది..?

POPULAR LINKS

Leo Horoscope | 2026లో సింహ రాశి వారికి అష్ట‌మ శ‌నితో పోరాటం..! చేయాల్సిన ప‌రిహారాలు ఇవే..!!

Damien Martyn | అత్యంత విష‌మంగా ఆస్ట్రేలియ‌న్ మాజీ క్రికెట‌ర్ ఆరోగ్యం.. ఐసీయూలో చికిత్స‌..