Burj Khalifa | ఇండియాలో AI ఇంపాక్ట్ సమ్మిట్.. త్రివ‌ర్ణ ప‌తాకంతో వెలుగులీనిన‌ బుర్జ్ ఖలీఫా

Burj Khalifa | ప్రపంచంలోనే అత్యంత ఎత్తైన భవనం దుబాయ్‌ (Dubai)లోని బుర్జ్‌ ఖలీఫా (Burj Khalifa). ప్రత్యేక సందర్భాల్లో ఈ కట్టడం ఎల్‌ఈడీ స్క్రీన్‌తో ప్రత్యేక థీమ్‌ను ప్రదర్శిస్తుంటుంది. ప్ర‌ముఖుల పుట్టిన‌రోజులు, దేశాల స్వాతంత్య్రదినోత్స‌వాలు వంటి స‌మ‌యాల్లో ఆయా దేశాల జెండాల‌ను ప్ర‌ద‌ర్శిస్తుంటుంది. తాజాగా ఈ ఎత్తైన క‌ట్ట‌డంపై భార‌త త్రివ‌ర్ణ ప‌తాకం (Tricolour) ఎల్ఈడీ లైట్ల‌తో రెప‌రెప‌లాడింది.

న్యూఢిల్లీలోని భార‌త్ మండ‌పంలో ఇండియా ఏఐ ఇంపాక్ట్ స‌మ్మిట్ 2026 (India AI Impact Summit 2026) జ‌రుగుతున్న విష‌యం తెలిసిందే. ఈ స‌మ్మిట్‌కు ప్ర‌పంచ నాయ‌కులు, పారిశ్రామిక వేత్త‌లు హాజ‌రయ్యారు. ఈ సంద‌ర్భాన్ని పుర‌స్క‌రించుకొని ప్ర‌పంచంలోనే అత్యంత ఎత్తైన భ‌వంన బుర్జ్ ఖ‌లీఫా భార‌త త్రివ‌ర్ణ ప‌తాకంతో వెలిగిపోయింది. దానిపై ప్ర‌ధాని ఫొటోను కూడా ప్ర‌ద‌ర్శించింది. ఇందుకు సంబంధించిన వీడియోని యూఏఈలోని భార‌త రాయ‌బార కార్యాల‌యం ఎక్స్‌లో పోస్టు చేసింది. ప్ర‌పంచంలోనే ఎత్తైన భ‌వ‌నం ఇండియా ఏఐ ఇంపాక్ట్ సమ్మిట్ 2026ని జ‌రుపుకుంటోంది అంటూ వీడియోకి క్యాప్ష‌న్ ఇచ్చింది. ప్ర‌స్తుతం ఈ వీడియో వైర‌ల్‌గా మారింది. దీనిపై నెటిజ‌న్లు సంతోషం వ్య‌క్తం చేస్తూ కామెంట్లు పెడుతున్నారు. "ప్రపంచ వేదికపై భారతదేశానికి గర్వకారణమైన క్షణం!" అంటూ కొనియాడుతున్నారు.

https://x.com/IndembAbuDhabi/status/2024555899269108002