Bomb Threat | మ‌హారాష్ట్ర అసెంబ్లీకి బాంబు బెదిరింపులు..

Bomb Threat | త్రినేత్ర‌.న్యూస్‌: మ‌హారాష్ట్ర అసెంబ్లీకి బాంబు బెదిరింపులు (Bomb Threat) తీవ్ర క‌ల‌క‌లం సృష్టించింది. అసెంబ్లీ బ‌డ్జెట్ స‌మావేశాలు (Assembly Budget Session) కొన‌సాగుతున్న వేళ గుర్తుతెలియ‌ని వ్య‌క్తులు విధాన భ‌వ‌న్‌లో బాంబు ఉందంటూ మెయిల్ చేశారు. దీంతో హుటాహుటిన అక్క‌డికి చేరుకున్న బాంబు స్క్వాడ్ బృందం త‌నిఖీలు చేప‌ట్టింది. అక్క‌డున్న వారిని వెంట‌నే వేరే ప్రాంతాల‌కు త‌ర‌లించింది.

పేలుడు ప‌దార్థాన్ని లెజిస్లేచ‌ర్ కాంప్లెంక్స్ లోప‌ల‌ పెట్టామ‌ని, ఏ క్ష‌ణ‌మైనా అది పేల‌వ‌చ్చ‌ని మెయిల్‌లో పేర్కొన్నారు. విధాన్ భ‌వ‌న్ ప్రాంగ‌ణంలోని రెసిడెన్స్ ఏరియాలో బాంబు ఉంద‌ని స్ప‌ష్టంగా పేర్కొన‌డంతో అధికారులు అప్ర‌మ‌త్త‌మ‌య్యారు. ఎమ్మెల్యేలు, సిబ్బంది, విజిట‌ర్స్‌ను అసెంబ్లీ కాంప్లెక్స్ నుంచి త‌ర‌లించారు. ప్ర‌త్యేక బ‌ల‌గాలు, డాగ్ స్క్వాడ్ స‌భా ప్రాంగ‌ణంలో క్షుణ్ణంగా త‌నిఖీలు చేస్తున్నారు. ఎదైనా పేలు ప‌దార్థం ఉందా అనేకోణంలో అసెంబ్లీ చుట్టూ చెక్ చేస్తున్నారు.

https://x.com/ANI/status/2031956187370115332