ఇక వారానికి నాలుగు రోజులే పని.. అమలులోకి కొత్త లేబర్ కోడ్స్

ఆహా.. ఎంత బాగుంది ఆ ఊహ అని అనకండి. ఎందుకంటే వారానికి నాలుగు రోజులే పని చేసే రోజులను మనం త్వరలోనే చూడబోతున్నాం. సాధారణంగా కొన్ని రంగాల్లో వారానికి ఐదు రోజులు పని చేస్తారు. శనివారం, ఆదివారం జీతంతో కూడిన సెలవులు ఇస్తారు. మరికొన్ని రంగాల్లో వారానికి ఆరు రోజులు పని చేస్తారు. మిగితా ఒక్క రోజు జీతంతో కూడిన సెలవు ఇస్తారు. దాన్నే వీక్లీ ఆఫ్ అంటాం. ఇవన్నీ పాత లెక్కలు. ఎందుకంటే ఇటీవలే కేంద్రం కొత్త లేబర్ కోడ్స్కి ఆమోదం తెలిపిన విషయం తెలిసిందే. 21 నవంబర్ 2025 నాడు 29 పాత లేబర్ కోడ్స్ను పక్కన పెట్టిన కేంద్రం సరికొత్తగా నాలుగు లేబర్ కోడ్స్ను తీసుకొచ్చింది. అవి కోడ్ ఆన్ వేజెస్ 2019(Code on Wages 2019), ఇండస్ట్రియల్ రిలేషన్స్ కోడ్ 2020(Industrial Relations Code 2020), సోషల్ సెక్యూరిటీ కోడ్ 2020(Social Security Code 2020), ఆక్యుపేషనల్ సేఫ్టీ, హెల్త్ అండ్ వర్కింగ్ కండిషన్స్ కోడ్ 2020(Occupational Safety, Health and Working Conditions Code 2020) కోడ్స్ను తీసుకొచ్చింది. జపాన్, స్పెయిన్, జర్మనీలో నాలుగు రోజుల పనే జపాన్, స్పెయిన్, జర్మనీ లాంటి దేశాల్లో అక్కడి కంపెనీలు వారానికి నాలుగు రోజుల పని దినాలనే ఫాలో అవుతున్నాయి. ఇప్పుడు కేంద్రం తీసుకొచ్చిన కొత్త లేబర్ చట్టాల ప్రకారం వారానికి నాలుగు రోజుల పని దినాలను కంపెనీలు ఫాలో అవ్వొచ్చు. ఎలా అంటే.. సాధారణంగా ఒక వారంలో ఒక ఉద్యోగి పని చేసే గంటలు 48. అంటే 5 రోజులు పని చేసే వాళ్లు అయితే ఒక్క రోజులో యావరేజ్గా 10 గంటలు పని చేస్తారు. అదే వారానికి ఆరు రోజులు పని చేసేవాళ్లు ఒక్క రోజు 9 గంటలు పని చేస్తారు. అదే వారానికి నాలుగు రోజులు అయితే రోజుకు 12 గంటలు పని చేయాల్సి ఉంటుంది. రోజుకు 12 గంటల పని చేయించుకుంటే వారానికి నాలుగు రోజులే పని చేసే అవకాశం ఉద్యోగులకు ఉంటుంది. మిగిలిన మూడు రోజులు పెయిడ్ హాలిడేస్గా ఉంటాయి. ఓవర్ టైమ్ డ్యూటీ చేస్తే ఒకవేళ వారానికి 48 గంటల కంటే ఎక్కువ గంటలు పని చేస్తే ఓవర్ టైమ్ చేసిన గంటలకు ఉద్యోగికి అదనపు వేతనాన్ని ఉద్యోగులు ఇవ్వాల్సి ఉంటుంది. ఈ 12 గంటల సమయంలోనే ఉద్యోగులు బ్రేక్ తీసుకోవడం, లంచ్ చేయడం కూడా ఉంటుంది. వర్క్ ప్లేస్లో ఉద్యోగి హక్కులను మార్చి ఉద్యోగికి ఎలాంటి ఇబ్బంది కాకుండా పనికి తగ్గ వేతనం లభించేలా ఉద్యోగి హక్కులను కాపాడేందుకే కేంద్రం కొత్త చట్టాలను తీసుకొచ్చింది. సరైన సమయానికి జీతాలు రావడం, గ్రాట్యుటీ, ఫిక్స్డ్ వర్కింగ్ అవర్స్, సేఫ్టీ రూల్స్, హెల్త్ సర్వీసులు అన్నింటినీ సమన్వయం చేసుకునేలా ఈ లేబర్ చట్టాలు పని చేయనున్నాయి.