లోడ్ అవుతోంది...
Mahesh Reddy B
Health | Jan 14, 2026, 9.57 am IST
Eggs | కోడిగుడ్లలో మన శరీరానికి కావల్సిన పోషకాలు అన్నీ దాదాదాపుగా ఉంటాయి. అందుకనే కోడిగుడ్లను పోషకాలకు గనిగా చెబుతుంటారు. వాటిని సంపూర్ణ పౌష్టికాహారంగా కూడా పిలుస్తుంటారు. అందుకనే కోడిగుడ్లను తరచూ తినాలని పోషకాహార వైద్యులు, వైద్య నిపుణులు సూచిస్తుంటారు. అయితే కోడిగుడ్లను తినడంలో చాలా మందికి అనేక సందేహాలు వస్తుంటాయి. ముఖ్యంగా పచ్చ సొనను తినాలా, వద్దా, గుడ్లను అసలు ఎవరు తినాలి, ఎవరు తినకూడదు.. వంటి సందేహాలు చాలా మందికి వస్తాయి. అయితే వీటికి న్యూట్రిషనిస్టు శాలిని సుధాకర్ సమాధానాలు చెబుతున్నారు. ఈ మేరకు ఆమె తన ఇన్స్టాగ్రామ్ ఖాతాలో ఓ పోస్టు పెట్టారు. కోడిగుడ్లను తినే విషయంలో చాలా మందికి ఎదురయ్యే పలు సహజమైన సందేహాలకు సమాధానాలను ఆమె వివరించారు.
కోడిగుడ్లను తినడంలో చాలా మంది రెండు రకాల తప్పులను చేస్తున్నారని శాలిని తెలిపారు. గుడ్లను అధికంగా క్యాలరీలు వచ్చే విధంగా తింటారు. అలాగే సరైన విధానంలో తీసుకోరు. ఇలా రెండు రకాలుగా తప్పులు చేస్తుంటారు. దీని వల్ల గుడ్లలో ఉండే పోషకాలు మనకు సరిగ్గా లభించవు. అనేక పోషకాలను కోల్పోతారు. ఈ క్రమంలో అలాంటి గుడ్లను తింటే శరీరంలో కొవ్వు చేరుతుంది. అది వ్యాధులకు కారణం అవుతుంది. కనుక కోడిగుడ్లను సరైన పద్ధతిలో తినాల్సి ఉంటుందని ఆమె తెలిపారు. కోడిగుడ్లను తినడంలో ఉండే సందేహాల వల్ల చాలా మంది గుడ్లను తినకుండా పక్కన పెడుతుంటారు. కానీ అలా చేసినా కూడా గుడ్లలో ఉండే పోషకాలను కోల్పోవాల్సి వస్తుంది. కనుక సరైన రీతిలో గుడ్లను తినాల్సి ఉంటుందని ఆమె తెలిపారు.
ఒక సాధారణ సైజులో ఉండే కోడిగుడ్డును తింటే మనకు దాదాపుగా 7 గ్రాముల మేర ప్రోటీన్లు లభిస్తాయి. అలాగే గుడ్లలో విటమిన్లు ఎ, బి12లతోపాటు ఫోలేట్, ఐరన్, సెలీనియం వంటి మినరల్స్ కూడా అధికంగా ఉంటాయి. ఇవన్నీ సూక్ష్మ పోషకాలు కనుక మనకు ఎన్నో లాభాలను అందిస్తాయి. కోడిగుడ్లలో ఉండే ప్రోటీన్లు కండరాల నిర్మాణానికి, శరీరానికి శక్తిని అందించడంలో దోహదం చేస్తాయి. అలాగే కోడిగుడ్లను తినడం వల్ల లభించే బి విటమిన్లు రోగ నిరోధక శక్తిని పెంచుతాయి. ఐరన్ వల్ల హిమోగ్లోబిన్ స్థాయిలు పెరిగి రక్తం వృద్ధి చెందుతుంది. రక్తహీనత తగ్గుతుంది. మెటబాలిజం మెరుగు పడి జీవక్రియలు సక్రమంగా నిర్వహించబడతాయి. గుడ్లలో ఉండే సెలీనియం యాంటీ ఆక్సిడెంట్గా కూడా పనిచేస్తుంది. ఇది క్యాన్సర్ కణాలను నాశనం చేయడంతోపాటు రోగ నిరోధక శక్తి పెరిగేలా చేస్తుంది. ఇలా గుడ్లను తింటే అనేక లాభాలు కలుగుతాయి.
ఆరోగ్యంగా ఉన్నవారు పెద్దలు అయితే రోజుకు 2 గుడ్లను తినవచ్చు. కానీ పచ్చసొనను పడేయకూడదు. దాన్ని కూడా తినాల్సి ఉంటుంది. అందులోనే ఎక్కువ శాతం పోషకాలు ఉంటాయి. కనుక పచ్చ సొనను పడేయకుండా తినాల్సి ఉంటుంది. అయితే అధిక బరువు లేదా అధిక కొలెస్ట్రాల్ సమస్యతో బాధపడుతున్నవారు కోడిగుడ్లను తినడంలో జాగ్రత్తలు వహించాలని శాలిని తెలిపారు. పోషకాహార నిపుణులు లేదా వైద్యుల సూచన మేరకు అలాంటి వారు గుడ్లను తినాల్సి ఉంటుందని చెప్పారు. అయితే ఆయా సమస్యలు ఉన్నవారు రోజుకు 2 వరకు తెల్ల సొనలను భేషుగ్గా తినవచ్చని, కానీ పచ్చసొనను ఒకటే తినాల్సి ఉంటుందని అన్నారు. పూర్తి వివరాలకు వైద్యులను సంప్రదించాలని సూచించారు. ఇలా గుడ్లను తింటే అనేక లాభాలను పొందవచ్చని తెలిపారు. అయితే కోడిగుడ్లను ఉడకబెట్టి తింటేనే అధిక మొత్తంలో పోషకాలు మనకు లభిస్తాయని ఆమె తెలిపారు.
జనవరి 13, 2026
జనవరి 13, 2026
జనవరి 12, 2026
Developed & Published by TRINETHRA MEDIA HOUSE PVT. LTD,
Sai Madhu Towers, Plot No. 17, Rohini Layout Rd, Jaihind Enclave, Madhapur, Hyderabad, Telangana 500081.
Copyright © 2025 . All rights reserved. - Powered by : Veegam