F-35 Fighter Jet | అమెరికా ఎఫ్‌-35 ఫైట‌ర్ జెట్ ఎమ‌ర్జెన్సీ ల్యాండింగ్‌.. తామే దాడిచేశామ‌న్న ఐఆర్‌జీసీ

F-35 Fighter Jet | త్రినేత్ర‌.న్యూస్‌: ఇరాన్‌, ఇజ్రాయెల్‌-అమెరికా (US) యుద్ధం 21వ రోజుకు చేరింది. ఇరు ప‌క్షాల ప‌ర‌స్ప‌ర దాడుల‌తో ప‌శ్చిమాసియాలో (Middle East) తీవ్ర ఉద్రిక్త‌తలు నెల‌కొన్నాయి. ఇరాన్ (Iran) చ‌మురు క్షేత్రాల‌పై దాడుల‌ను నిలిపివేస్తామ‌న్న ఇజ్రాయెల్‌.. ఆ దేశ రాజ‌ధానిపై క్షిప‌ణుల వ‌ర్షం కురిపిస్తున్న‌ది. టెహ్రాన్‌పై మెరుపు దాడులు చేస్తున్న‌ది. అగ్ర‌నాయ‌కత్వాన్ని కోల్పోయినా ఇరాన్ ఏమాత్రం వెన‌క్కి త‌గ్గ‌డం లేదు. అమెరికా, ఇజ్రాయెల్‌ల‌న్ డ్రోన్లు, క్షిప‌ణులతో ఎదుర్కొంటున్నాది.

కాగా, ప్రపంచంలోనే అత్యాధునిక ఫైటర్ జెట్‌గా పేరుపొందిన అమెరికా ఎఫ్-35 లైట్నింగ్-2 యుద్ధ విమానం (F-35 Fighter Jet) ఎమర్జెన్సీ లాండింగ్ (Emergency Landing) కలకలం సృష్టించింది. ఇరాన్‌పై సైనిక చర్యల్లో పాలుపంచుకున్న ఆ యుద్ధ‌ విమానం అకస్మాత్తుగా వెనుదిరిగి సమీపంలోని అమెరికా సైనిక స్థావరంలో అత్యవసరంగా దిగిపోయింది. ఈ విషయాన్ని అమెరికా సెంట్రల్ కమాండ్ (US Central Command) కూడా ధ్రువీకరించింది. ఎఫ్-35 విమానం సురక్షితంగా లాండ్ అయ్యిందని, పైలట్ సేఫ్‌గా ఉన్నారని వెల్ల‌డించింది. ఇరాన్ క్షిప‌ణి ఢీకొనడంతోనే ఇలా జరిగి ఉండవచ్చని అంతర్జాతీయ మీడియాలో కథనాలు వెలువడ్డాయి.

అయితే యూఎస్‌ ఎఫ్‌-35 యుద్ధ విమానంపై తాము దాడి చేశామ‌ని ఇరాన్‌కు చెందిన ఇస్లామిక్ రెవ‌ల్యూష‌న‌రీ గార్డ్ కార్ప్స్ (IRGC) ప్ర‌క‌టించింది. ప్ర‌స్తుతం దీనికి సంబంధించిన వీడియోలు సోష‌ల్ మీడియాలో చ‌క్క‌ర్లు కొడుతున్నాయి.

 

https://x.com/MarioNawfal/status/2034666850458702143

 

ఇరాన్‌తో యుద్ధం మొద‌లైన‌ప్ప‌టి నుంచి అమెరికాకు చెందిన 16 యుద్ధ విమానాలు కుప్పకూలాయి. వీటిలో 10 MQ-9 రీపర్‌ డ్రోన్లను శత్రు దళాలు కూల్చగా.. మరికొన్ని యుద్ధంలో దాడికి గురయినట్లు సమాచారం. మూడు ఎఫ్‌-15 యుద్ధ విమానాల‌ను కువైట్ సైన్యం పొర‌పాటున కూల్చివేసింది. ఇక ఇరాక్‌లో అమెరికా వాయుసేనకు చెందిన రీఫ్యూయలింగ్‌ విమానం కేసీ-135 కుప్పకూలిన సంగతి తెలిసిందే. సౌదీ అరేబియాలో ఓ వైమానిక స్థావరంపై ఇరాన్‌ జరిపిన క్షిపణి దాడుల్లో ఐదు కేసీ-135 రీఫ్యూయలింగ్‌ విమానాలు దెబ్బతిన్నాయి.