Trump Tariffs | గ్రీన్‌లాండ్ వివాదం.. ఆ 8 ఐరోపా దేశాలపై 10 శాతం అద‌న‌పు సుంకాలు: ట్రంప్‌

త్రినేత్ర.న్యూస్: రష్యా, చైనాలను బూచీగా చూపి ఖనిజ సంపన్నమైన గ్రీన్లాండ్ను (Greenland) స్వాధీనం చేసుకోవాలన్న తన ప్రణాళికలను అమెరికా అధ్యక్షుడు డొనాల్డ్ ట్రంప్ (Donald Trump) క్రమంగా ఆచరణలోకి తీసుకొస్తున్నారు. డెన్మార్క్ ఆధీనంలో స్వతంత్ర ప్రాంతంగా ఉన్న గ్రీన్లాండ్ కొనుగోలు విషయంలో తమ విధానాన్ని వ్యతిరేకిస్తున్న ఐరోపా దేశాలపై (European countries) ట్రంప్ అదనపు సుంకాలు (Trump Tariffs) విధించారు. 8 యూరోపియన్ దేశాలపై అదనంగా 10 శాతం టారిఫ్లు విధిస్తున్నట్లు ప్రకటించారు. ఇవి ఫిబ్రవరి 1 నుంచి అమల్లోకి వస్తాయని తన సోషల్ మీడియా వేదిక ట్రూత్ ద్వారా వెల్లడించారు. ఫ్రాన్స్, జర్మనీ, బ్రిటన్, డెన్మార్క్, నార్వే, స్వీడన్, నెదర్లాండ్స్, ఫిన్లాండ్ నుంచి అమెరికాకు దిగుమతి అయ్యే సరుకులపై ఈ అదనపు సుంకాలు చెల్లించాల్సి ఉంటుందని తెలిపారు. కాగా, యూరోపియన్ యూనియన్ దేశాలపై అదనంగా సుంకాలు విధిస్తానని గత శుక్రవారం ట్రంప్ హెచ్చరించిన విషయం తెలిసిందే. కాగా, గ్రీన్లాండ్ విషయంలో ట్రంప్ వాదనతో అమెరికన్ కాంగ్రెస్ ద్వైపాక్షిక ప్రతినిధి బృందం విభేదించింది. ట్రంప్ మాటలెలా ఉన్నా తాము డెన్మార్క్కు, దాని భూభాగమైన గ్రీన్లాండ్కు మద్దతు తెలుపుతున్నామని స్పష్టం చేసింది. జూన్ 1 నాటికి 25 శాతానికి పెంపు? అదనపు సుంకాలు 10 శాతంతోనే ఆగవని ట్రంప్ స్పష్టం చేశారు. గ్రీన్లాండ్ను పూర్తిగా అమెరికా పరం చేసేలా జూన్ 1నాటికి అంగీకారం కుదరకపోతే సుంకాలను ఏకంగా 25శాతానికి పెంచుతానని హెచ్చరించారు. `గ్రీన్లాండ్ అమెరికా చేతుల్లోకి రాకపోవడాన్ని అంగీకరించేది లేదు. రష్యా, చైనాలు ఈ ప్రాంతాన్ని ఆక్రమించకుండా ఉండాలంటే అమెరికా నియంత్రణ అవసరం` అని ఆయన పేర్కొన్నారు. భయపడేది లేదన్న ఈయూ.. ట్రంప్ బెదిరింపులకు భయపడేది లేదని యూరోపియన్ యూనియన్ (European Union) దేశాలు స్పష్టం చేశాయి. డెన్మార్క్కు మద్దతుగా పలు దేశాలు తమ సైనిక దళాలను గ్రీన్లాండ్కు పంపించాయి. ఆపరేషన్ ఆర్కిటిక్ ఎండ్యురెన్స్ పేరుతో ఈ కార్యక్రమాన్ని చేపట్టాయి. ఇందులో భాగంగా ఫ్రాన్స్ 15 మంది మౌంటెయిన్ స్పెషలిస్టులతో కూడిన బృందాన్ని పంపించగా, జర్మనీ 13 మంది రికనయిస్సెన్స్ నిపుణులతో కూడిన బృందాన్ని గ్రీన్లాండ్కు తరలించింది. యూకే ఒక అధికారిని, నార్వే ఇద్దర్ని, స్వీడన్ ముగ్గుర్ని పంపి ఈ ఆపరేషన్కు మద్దతు తెలిపాయి. నాటో ప్రత్యక్ష కమాండ్కు వెలుపల ఈ విధంగా యూరోపియన్ దేశాలు సంయుక్తంగా సైనిక చర్యలు చేపట్టడం ఇదే తొలిసారి కావడం గమనార్హం.

Trump Tariffs | గ్రీన్‌లాండ్ వివాదం.. ఆ 8 ఐరోపా దేశాలపై 10 శాతం అద‌న‌పు సుంకాలు: ట్రంప్‌

FOLLOW US

ట్యాగ్స్:

సంబంధిత వార్తలు

Donald Trump | ఇరాన్ కు కొత్త నాయ‌క‌త్వం అవ‌స‌రం, ఖామెనేయి రాజీనామా చేయాల్సిందే: డొనాల్డ్ ట్రంప్

Nobel Prize | ట్రంప్‌కు నోబెల్ పుర‌స్కారం.. అందజేసిన వెనెజులా విపక్ష నేత మచాడో

Airspace Closed | ఇరాన్ గ‌గ‌న‌త‌లం మూసివేత‌.. ప‌లు విమానాలు ర‌ద్దు, మ‌రికొన్ని దారిమ‌ళ్లింపు

తాజావార్తలు

పాపులర్

Cyber Fraud | రూ.5 వేలు ఆశ‌చూపి.. ఐటీ ఉద్యోగి నుంచి రూ.2.9 కోట్లు కొట్టేశారు

Coffee | కాఫీని అస‌లు ఎవ‌రు తాగ‌వ‌చ్చు, ఎవ‌రు తాగ‌కూడ‌దు..?

Hindu Trader | వినియోగ‌దారుడితో గొడవ‌.. బంగ్లాదేశ్‌లో హిందూ వ్యాపారి హ‌త్య‌

Post Office RD Scheme | నెల‌కు రూ.600 పొదుపు చేస్తే.. రూ. 1 ల‌క్ష పొంద‌వ‌చ్చు.. ఎలాగంటే..?

Amazon Great Republic Day Sale 2026 | అమెజాన్‌లో రిప‌బ్లిక్ డే సేల్‌.. ప్రీమియం ఫోన్ల‌పై భారీ త‌గ్గింపు ధ‌ర‌లు..

POPULAR LINKS