Hindu Trader | వినియోగ‌దారుడితో గొడవ‌.. బంగ్లాదేశ్‌లో హిందూ వ్యాపారి హ‌త్య‌

త్రినేత్ర.న్యూస్: బంగ్లాదేశ్లో (Bangladesh) హిందువులపై దారుణాలు ఆగడం లేదు. దీపు చంద్రదాస్తో మొదలైన హత్యల పరంపర ఇంకా కొనసాగుతూనే ఉన్నది. హిందువులే (Hindu) లక్ష్యంగా సాగుతున్న దాడుల వల్ల ఇప్పటి వరకు ఏకంగా 13 మంది హిందువులు హత్యకు గురయ్యారు. తాగాజా హిందూ వ్యాపారి (Hindu trader) లిటన్ చంద్రదాస్ (Liton Chandra Das) అనే వృద్ధుడిని దుండగులు దారుణంగా కొట్టి చంపేశారు. లిటన్ చంద్రదాస్ అనే 60 ఏండ్ల వ్యక్తి కాళిగంజ్ (Kaliganj) ప్రాంతంలో హోటల్, స్వీట్ షాప్ను నిర్వహిస్తున్నారు. శనివారం ఉదయం ఓ వినియోగదారుడు చంద్రదాస్ షాప్కు వచ్చాడు. అయితే వినియోగదారుడికి, దుకాణంలో పనిచేసే అనంత దాస్ అనే ఉద్యోగికి మధ్య చిన్న వాగ్వాదం జరిగింది. అదికాస్తా పెద్దది కావడంతో.. షాప్ యజమాని చంద్రదాస్ కలుగజేసుకున్నాడు. దీంతో వినియోగదారునికి అక్కడే ఉన్న మరికొందరు మద్దతుపలికారు. చంద్రదాస్ను లక్ష్యంగా చేసుకుని.. అతినిపై దాడికి పాల్పడ్డారు. పిడిగుద్దులు గుద్ది, కాళ్లతో తన్నారు. అనంతరం పారతో కొట్టడం ప్రారంభించారు. ఈ దాడిలో తీవ్రంగా గాయపడిన చంద్రదాస్.. అక్కడికక్కడే మరణించాడు. ఈ ఘటనతో స్థానికులు గుమికూడడంతో దుండగులు అక్కడి నుంచి పరారయ్యారు. సమాచారం అందుకున్న పోలీసులు అక్కడి చేసుకుని పరిస్థితిని అదుపులోకి తీసుకొచ్చారు. అనంతరం ముగ్గురు నిందితులను అదుపులోకి తీసుకున్నారు. కాగా, గత కొంతకాలంగా బంగ్లాదేశ్లో హిందువులే టార్గెట్గా హత్యలు జరుగుతున్నాయి. ఇటీవల, చిట్టగ్యాంగ్లోని దగన్బుయ్యాలో సమీర్ దాస్ అనే యువకుడిని గుర్తు తెలియని దుండుగులు దాడి చేసి చంపేసిన విషయం తెలిసిందే.