Viral Video | ప్రెస్ మీట్‌లో ప్రశ్న అడిగిన మహిళా రిపోర్టర్‌కు కన్ను కొట్టిన పాక్ ఆర్మీ అధికారి

Viral Video | పాకిస్థాన్ ఆర్మీ అధికార ప్రతినిధి, లెఫ్టినెంట్ జనరల్ అహ్మద్ షరీఫ్ చిక్కుల్లో పడ్డాడు. ఓ మహిళా జర్నలిస్టు పట్ల ఆయన ప్రవర్తించిన తీరుపై పాకిస్థాన్ మీడియా ఆగ్రహం వ్యక్తం చేస్తోంది. దానికి సంబంధించిన వీడియో కూడా సోషల్ మీడియాలో వైరల్ కావడంతో నెటిజన్లు ఆయనపై దుమ్మెత్తిపోస్తున్నారు. ఇటీవల జరిగిన ఓ ప్రెస్ కాన్ఫరెన్స్లో ఓ మహిళా రిపోర్టర్ ప్రశ్న అడిగింది. దానికి సమాధానంగా ఆయన కన్ను కొట్టాడు. కన్ను గీటుతూ సమాధానం చెప్పడం వివాదాస్పదమైంది. మాజీ ప్రధాని ఇమ్రాన్ ఖాన్ జైలులోనే చనిపోయారంటూ ఈ మధ్య వస్తున్న వార్తలపై ఆయన ప్రెస్ మీట్ నిర్వహించాడు. ఈ సందర్భంగా ఓ మహిళా జర్నలిస్టు ఇమ్రాన్ ఖాన్ గురించి ఆయన అభిమానులు చేస్తున్న ఆరోపణల గురించి ప్రశ్న అడిగింది. దానికి బదులిస్తూ ఇమ్రాన్ ఖాన్ ను ఉద్దేశించి ఆయన ఒక మానసిక రోగి అని రాసుకోండి అంటూ ఆ మహిళ వైపు చూసి నవ్వుతూ కన్ను కొట్టాడు. ఆయన కన్ను కొట్టిన వీడియో సోషల్ మీడియాలో షేర్ చేయడంతో అది కాస్త వైరల్గా మారి.. పాక్ ఆర్మీ సంస్థకే మచ్చ తెచ్చింది. పాకిస్థాన్ నెటిజన్లు, జర్నలిస్టులు అతడి ప్రవర్తనపై మండిపడుతున్నారు. బాధ్యతాయుతమైన ఆర్మీ సంస్థలో ఉన్నతమైన పదవిలో ఉండి, యూనిఫామ్ వేసుకొని ఇలా ప్రవర్తించడం వృత్తిపరమైన అనైతికత కిందికి వస్తుందని ఆగ్రహం వ్యక్తం చేస్తున్నారు. దీనిపై పాకిస్థాన్ ఆర్మీ ఉన్నతాధికారులు స్పందించలేదు. Pakistan's Army's DG ISPR winking at a female journalist after she questioned why they are being labelled as funded by Delhi. Honestly, I am not even surprised.pic.twitter.com/FzA4SMgSM8 — Elite Predators (@elitepredatorss) December 9, 2025