Dasoju Sravan | ఆరు నెలల్లోనే ఆర్థిక సంక్షోభంలోకి నెట్టిన రేవంత్

• 76.31% వార్షిక అప్పులు హాంఫట్.. 96.6% పెన్షన్ బడ్జెట్ స్వాహా!
• బడ్జెట్ "మిగులు" కాస్తా రూ. 15,096 కోట్ల రెవెన్యూ లోటుగా బోల్తా
• కాగ్ నివేదికతో బట్టబయలైన ఘోర వైఫల్యం
• ఎమ్మెల్సీ దాసోజు శ్ర‌వ‌ణ్‌కుమార్

Dasoju Sravan | త్రినేత్ర న్యూస్‌: తెలంగాణ రాష్ట్రాన్ని ఆరు నెల‌ల్లోనే రేవంత్ ఆర్థిక సంక్షోభంలోకి నెట్టేశార‌ని.. కాగ్ నివేదిక‌తో ఇది బ‌ట్ట‌బ‌య‌లైంద‌ని ఎమ్మెల్సీ దాసోజు శ్ర‌వ‌ణ్‌ (Dasoju Sravan) ఫైర‌య్యారు. శాసనసభ సాక్షిగా చేసిన అంకెల గారడీ మొత్తం తేట‌తెల్లం చేసింద‌న్నారు. అప్పులు, గ్యారెంటీల లెక్క‌ల‌పై త‌క్ష‌ణ‌మే శ్వేత ప‌త్రం విడుద‌ల చేయాల‌ని డిమాండ్ చేశారు. ఈ మేర‌కు శుక్ర‌వారం ఆయ‌న తెలంగాణ భ‌వ‌న్‌లో మాట్లాడుతూ కాంగ్రెస్ స‌ర్కార్‌పై తీవ్ర స్థాయిలో ధ్వ‌జ‌మెత్తారు.

ముఖ్యమంత్రి రేవంత్ రెడ్డి తన అసమర్థ పాలనతో, అడ్డగోలు అప్పులతో ఖజానాను ఖాళీ చేసి, రాజ్యాంగబద్ధ ఆడిట్ సంస్థలకే తప్పుడు లెక్కలు చెబుతూ రాష్ట్రాన్ని దివాళా అంచున నిలబెట్టారు. "నాయకత్వానికి కావలసింది ప్రజలకు ఉపయోగపడే పదునైన ఆలోచనలు, అంతేకాని పసలేని రాజకీయ ఆరోపణలు కావు. కొత్త ఆదాయ మార్గాలను వెతకకుండా, ఉన్న ఆస్తులను కరిగిస్తూ పోవడం వల్ల తెలంగాణ భవిష్యత్తుకు తీరని నష్టం జరుగుతుంది. ఇప్పటికైనా రాష్ట్రాన్ని ఆర్థిక సంక్షోభం వైపు నెట్టకుండా సరైన నిర్ణయాలు తీసుకోవాలి. కాంగ్రెస్ ప్రభుత్వం ఆదాయం పెంచే తెలివి లేక, ఉన్న ఆస్తులను కరిగించేస్తూ తెలంగాణ పిల్లల భవిష్యత్తును అప్పుల పాలు చేస్తున్నారు అని దాసోజు శ్రవణ్ మండి పడ్డారు.