Crude Oil | అమెరికా-ఇరాన్ ఉద్రిక్తతలు మరింత తీవ్రతరం.. భారీగా పెరిగిన చమురు ధరలు..
Crude Oil | పశ్చిమ ఆసియాలో అమెరికా, ఇరాన్ల మధ్య యుద్ధ ఉద్రిక్తతలు మరింత తీవ్రతరం కావడంతో ముడి చమురు ధరలు మళ్లీ భారీగా పెరిగాయి. శుక్రవారం అంతర్జాతీయ మార్కెట్లో బ్యారెల్ ముడి చమురు ధర 103 డాలర్లకు చేరింది. పశ్చిమ ఆసియాలో పెరుగుతున్న ఉద్రిక్తతల కారణంగా చమురు సరఫరాకు ఆటంకం కలుగుతుందన్న ఆందోళనలు మరింత పెరిగాయి.
Crude Oil | పశ్చిమ ఆసియాలో అమెరికా, ఇరాన్ల మధ్య యుద్ధ ఉద్రిక్తతలు మరింత తీవ్రతరం కావడంతో ముడి చమురు ధరలు మళ్లీ భారీగా పెరిగాయి. శుక్రవారం అంతర్జాతీయ మార్కెట్లో బ్యారెల్ ముడి చమురు ధర 103 డాలర్లకు చేరింది. పశ్చిమ ఆసియాలో పెరుగుతున్న ఉద్రిక్తతల కారణంగా చమురు సరఫరాకు ఆటంకం కలుగుతుందన్న ఆందోళనలు మరింత పెరిగాయి. దీంతో ధరలు గరిష్ట స్థాయిలో కొనసాగుతున్నాయి. శుక్రవారం ఉదయం బ్రెంట్ క్రూడ్ ధర 101.50 డాలర్ల వద్ద ప్రారంభం అయి స్థిరంగా కొనసాగుతోంది. డబ్ల్యూటీఐ క్రూడ్ ధర 0.55 శాతం స్వల్పంగా తగ్గి బ్యారెల్కు 95 డాలర్లకు చేరింది.
భారత మార్కెట్లలో తీవ్రమైన అమ్మకాల ఒత్తిడి..
ముడి చమురు ధరలు భారీగా పెరుగుతుండడం భారత్ వంటి అభివృద్ధి చెందుతున్న దేశాల మార్కెట్లకు ప్రతికూలంగా మారింది. మరోవైపు అమెరికా ట్రెజరీ బాండ్ ఈల్డ్స్ రాబడి అధికంగా ఉండడంతో విదేశీ పోర్ట్ఫోలియో ఇన్వెస్టర్లు భారత స్టాక్ మార్కెట్ల నుంచి తమ నిధులను భారీ ఎత్తున ఉపసంహరించుకుంటున్నారు. గత 9 నెలల కాలంలో వారు ఏకంగా రూ.3 లక్షల కోట్ల నిధులను ఉపసంహరించుకున్నట్లు గణాంకాలు వెల్లడిస్తున్నాయి. గత సెషన్లోనూ వారు భారీ ఎత్తున ఈక్విటీ అమ్మకాలను కొనసాగించారు. ముడి చమురు ధరల పెరుగుదల కారణంగా ద్రవ్యోల్బణం భారీగా పెరుగుతుందన్న అంచనాలు నెలకొనడంతోపాటు విదేశీ పెట్టుబడిదారుల అమ్మకాలు భారత స్టాక్ మార్కెట్లకు ప్రతిబంధకంగా మారాయి. దీంతో నిఫ్టీ గత 25 ఏళ్లలో ఎన్నడూ లేని విధంగా అత్యంత దారుణంగా పతనమైంది.
పశ్చిమ ఆసియాలో పెరుగుతున్న ఉద్రిక్తతలు..
పశ్చిమ ఆసియాలో అమెరికా, ఇరాన్ల మధ్య రోజు రోజుకీ మరింత పెరుగుతున్న యుద్ధ ఉద్రిక్తతలు చమురు సరఫరాపై ఆందోళనలను మరింత పెంచుతున్నాయి. అమెరికా తన 3వ విమాన వాహక నౌకా దళాన్ని మెరైన్ కార్ప్స్ నౌకలను, 10వేల మంది అదనపు సైనికులను మధ్యప్రాచ్యానికి పంపిస్తుందన్న వార్తల నేపథ్యంలో క్రూడ్ ఆయిల్ ధరలు మరింత పెరిగాయి. భౌగోళిక రాజకీయ పరిణామాలు, ఎఫ్ఐఐల అమ్మకాలు, పెరుగుతున్న ముడి చమురు ధరల కారణంగా భారత మార్కెట్లలో భారీ స్థాయిలో నష్టాలు వస్తున్నాయి. దీంతో పెట్టుబడిదారులు పెద్ద ఎత్తున ఆందోళన వ్యక్తం చేస్తున్నారని విశ్లేషకులు చెబుతున్నారు. పశ్చిమ ఆసియాలో యుద్ధం ముగిస్తేగానీ మళ్లీ సాధారణ పరిస్థితులు ఏర్పడే అవకాశం లేదని అభిప్రాయం వ్యక్తం చేస్తున్నారు.
సంబంధిత వార్తలు

Rahul Gandhi | అంతర్జాతీయ రాజకీయాల్లో భారత్ సైడ్ ప్లేయర్గా మిగిలిపోయింది.. రాహుల్ సంచలన వ్యాఖ్యలు
నవంబర్ 20, 2026

SplashBI GCC Launch | జీసీసీలను సంప్రదాయ సేవలకే పరిమితం కానివ్వం.. ఆవిష్కరణ కేంద్రాలుగా తయారు చేస్తం
నవంబర్ 9, 2026

Donald Trump | ఇరాన్పై మరిన్ని కఠిన ఆంక్షలు.. ట్రంప్ కీలక ప్రకటన..
నవంబర్ 9, 2026
తాజావార్తలు
- ●OM vs AOT | ఓం వర్సెస్ ఆకాశంలో ఒక తార - రెండు రోజుల్లో ఏ సినిమాకు ఎక్కువ కలెక్షన్స్ వచ్చాయంటే?
- ●Hyderabad Bomb Threat Email | కాచిగూడ రైల్వే స్టేషన్, హోటల్ టూరిస్ట్ ప్లాజాలను బాంబులతో పేల్చేస్తాం
- ●JEE Main 2027 | జేఈఈ మెయిన్-2027 వెల్లువెత్తిన దరఖాస్తులు
- ●Revanth Reddy Gandhi Bhavan Speech | కాంగ్రెస్ జెండా మోసి రాహుల్ గాంధీని ప్రధానిని చేయడమే మన బాధ్యత
- ●Nayanthara | నయనతారకు 10 కోట్ల లగ్జరీ కారును గిఫ్ట్గా ఇచ్చిన విఘ్నేశ్ శివన్!
- ●PVNRTVU | వెటర్నరీ వర్సిటీలో 117 అధ్యాపక పోస్టులు.. సర్కార్ గ్రీన్సిగ్నల్!

OM vs AOT | ఓం వర్సెస్ ఆకాశంలో ఒక తార - రెండు రోజుల్లో ఏ సినిమాకు ఎక్కువ కలెక్షన్స్ వచ్చాయంటే?

Hyderabad Bomb Threat Email | కాచిగూడ రైల్వే స్టేషన్, హోటల్ టూరిస్ట్ ప్లాజాలను బాంబులతో పేల్చేస్తాం

JEE Main 2027 | జేఈఈ మెయిన్-2027 వెల్లువెత్తిన దరఖాస్తులు

Revanth Reddy Gandhi Bhavan Speech | కాంగ్రెస్ జెండా మోసి రాహుల్ గాంధీని ప్రధానిని చేయడమే మన బాధ్యత



