లోడ్ అవుతోంది...
Mahesh Reddy B
International | Jan 13, 2026, 11.27 am IST
Khamenei | ఇరాన్తో వాణిజ్యం చేసే దేశాలపై అమెరికా అధ్యక్షుడు డొనాల్డ్ ట్రంప్ 25 శాతం సుంకాలను విధిస్తున్నట్లు తెలిపిన నేపథ్యంలో ఇరాన్ సుప్రీం లీడర్ అయతొల్లా అలీ ఖమేనీ స్పందించారు. అమెరికాకు ఆయన హెచ్చరికలు చేశారు. ఈ మేరకు ఎక్స్లో ఆయన ఓ పోస్టు పెట్టారు. ఇరాన్ దేశం శత్రువుల ముందు తలొగ్గదు. అమెరికా రాజకీయ నాయకులు తమ మోసపూరిత చర్యలను ఆపాలి. కిరాయి వ్యక్తులపై ఆధారపడడం మానేయాలి. ఇరాన్ బలమైన, శక్తివంతమైన దేశం. శత్రువుల గురించి మాకు తెలుసు. వారిని ఎదుర్కోవడానికి మేం ఎల్లప్పుడూ సిద్ధమే.. అని ఖమేనీ ఆ పోస్టులో తెలిపారు.
కాగా ఇరాన్లో ఆందోళనలు ఉధృతమవడం, ఇప్పటి వరకు 500 మందికి పైగా పౌరులు మృతి చెందడంతో ఆ దేశంపై చర్యలకు పూనుకుంటున్నట్లు అమెరికా చెప్పకనే చెప్పింది. అందులో భాగంగా ముందుగా 25 శాతం సుంకాల పెంపును తెరపైకి తెచ్చారు. తక్షణమే ఆ నిర్ణయాన్ని అమలు చేస్తున్నట్లు డొనాల్డ్ ట్రంప్ ప్రకటించారు. ఇరాన్తో ఎక్కువగా చైనా, టర్కీ, యూఏఐ, ఇరాక్, భారత్ వాణిజ్య సంబంధాలను కలిగి ఉన్నాయి. దీంతో ఆయా దేశాలపై ట్రంప్ సుంకాల ప్రభావం పడింది. అయితే ఇరాన్పై అమెరికా చేపట్టనున్న చర్యల్లో భాగంగా ఆ దేశంపై అమెరికా ముందుగా వైమానిక దాడులు చేపట్టే అవకాశం ఉందని తెలుస్తోంది. అందులో భాగంగానే ముందుగా 25 శాతం సుంకాలను విధించారని సమాచారం. ఈ నేపథ్యంలో ఖమేనీ కూడా అమెరికాను హెచ్చరిస్తూ పోస్టులు పెట్టడం ప్రాధాన్యతను సంతరించుకుంది. అమెరికా దాడి చేస్తుందన్న వార్తల కారణంగానే ఖమేనీ ఈ హెచ్చరికలు చేశారని తెలుస్తోంది.
Developed & Published by TRINETHRA MEDIA HOUSE PVT. LTD,
Sai Madhu Towers, Plot No. 17, Rohini Layout Rd, Jaihind Enclave, Madhapur, Hyderabad, Telangana 500081.
Copyright © 2025 . All rights reserved. - Powered by : Veegam
