Johnson & Johnson బేబీ పౌడర్ నిజంగానే డేంజర్.. 340 కోట్ల ఫైన్ వేసిన కోర్టు

Johnson and Johnson |ప్రముఖ హెల్త్కేర్ కంపెనీ జాన్సన్ అండ్ జాన్సన్కు కాలిఫోర్నియా కోర్టులో ఎదురుదెబ్బ తగిలింది. కంపెనీ విక్రయించే బేబీ పౌడర్ ప్రొడక్ట్ వాడటం వల్లనే తమకు అండాశయ క్యాన్సర్ సోకిందని ఇద్దరు మహిళలు ఇప్పటికే కంపెనీపై కేసు వేసిన విషయం తెలిసిందే. ఆ కేసులో ఇద్దరు మహిళలకు 40 మిలియన్ డాలర్లను కంపెనీ చెల్లించాలని కోర్టు తీర్పునిచ్చింది. 40 మిలియన్ డాలర్లు అంటే మన కరెన్సీలో సుమారు రూ.340 కోట్లు. లాస్ ఏంజిల్స్ లో ఉన్న సుపీరియర్ కోర్టులో ఈ కేసు విచారణ జరగగా, ఆ కోర్టు జ్యూరీ ఈ కేసును విచారించి ఆ కంపెనీ టాల్క్ ఆధారిత ప్రొడక్టులు ప్రమాదకరం అని తెలిసి, వాటిని వాడితే క్యాన్సర్ వచ్చే ప్రమాదం ఉందని తెలిసి వినియోగదారులకు ఈ విషయం తెలియకుండా గోప్యంగా ఉంచి తప్పు చేసిందని జ్యూరీ మండిపడింది. ఇద్దరు మహిళలకు కలిపి 40 డాలర్ల పరిహారం ఈ పౌడర్ వాడి క్యాన్సర్ బారిన పడిన ఇద్దరు మహిళల్లో ఒకరు మోనికా కెంట్. ఈమెకు 18 మిలియన్ల డాలర్ల పరిహారం, డెబోరా షుల్ట్జ్ అనే మరో మహిళకు 22 మిలియన్ డాలర్ల పరిహారం చెల్లించాలని కంపెనీని జ్యూరీ ఆదేశించింది. 40 ఏళ్ల పాటు బేబీ పౌడర్ను వాడిన మహిళలు ఇద్దరు మహిళల్లో మోనికా 2014 లో, డెబోరా 2018 లో క్యాన్సర్ బారిన పడ్డారు. వాళ్లు 40 ఏళ్ల పాటు స్నానం చేసిన తర్వాత ఈ పౌడర్ ను వాడేవారు. 40 ఏళ్లు వాడిన తర్వాత వాళ్లకు క్యాన్సర్ సోకినట్లు తెలుస్తోంది. క్యాన్సర్ రావడం వల్ల ఇద్దరూ పెద్ద సర్జరీలు చేయించుకోవాల్సి వచ్చింది. కీమోథెరపీ కూడా రెగ్యులర్ గా చేసుకోవాల్సి వస్తోందని కోర్టులో ఆవేదన వ్యక్తం చేశారు. కంపెనీ కావాలని నిజం దాచి పెట్టింది 1960 నుంచే కంపెనీకి చెందిన ప్రొడక్టులను వాడితే క్యాన్సర్ వస్తుందని, అవి క్యాన్సర్ కారకాలని కంపెనీకి తెలిసినప్పటికీ, కంపెనీ యాజమాన్యం ఆ నిజాన్ని దాచిపెట్టేందుకు ప్రయత్నించారని బాధితుల తరుపు న్యాయవాది ఆండీ బిర్చ్ఫీల్డ్ తన వాదనలకు కోర్టుకు విన్నవించారు. ఈ తీర్పుపై అప్పీల్కి వెళ్తాం జ్యూరీ తీర్పుపై అప్పీలుకు వెళ్తామని కంపెనీ ప్రకటించిందది. మా ప్రొడక్ట్స్ చాలా సేఫ్, వాటిలో ఎలాంటి ఆస్బెస్టాస్ లేదు. అవి క్యాన్సర్కి కారకాలు కాదు.. అంటూ కంపెనీ తరుపు న్యాయవాది స్పష్టం చేశారు. 2020 లోనే యూఎస్లో అమ్మకాలు బంద్ నిజానికి 2020 లోనే టాల్క్ ఆధారిత బేబీ పౌడర్లను యూఎస్లో అమ్మడం కంపెనీ ఆపేసింది. టాల్క్ ప్లేస్ లో కార్న్ స్టార్చ్(మొక్కజొన్న స్టార్చ్) ఆధారిత పౌడర్ను అమ్ముతోంది. అయినా కూడా జాన్సన్ అండ్ జాన్సన్ కంపెనీ ప్రొడక్ట్స్ వాడటం వల్లనే తమకు క్యాన్సర్ వచ్చిందని ఇప్పటి వరకు ఆ కంపెనీ మీద 67 వేల మందికి పైగా బాధితులు పిటిషన్ దాఖలు చేశారు.