H-1B Visas | హెచ్1బీ వీసా అపాయింట్‌మెంట్స్ వాయిదా.. సోషల్ మీడియా కొత్త నిబంధనలే కారణమా?

H-1B Visas | యూఎస్లో పని చేయాలంటే ఇండియన్స్ తప్పనిసరిగా హెచ్1బీ వీసా పొందాల్సిందే. అమెరికా వెళ్లాలనుకుంటున్న వేలాది మంది భారతీయ టెక్ నిపుణులకు హెచ్1బీ వీసా అనేది వరం లాంటిది. అది వచ్చిందంటే కాలర్ ఎగరేసుకొని మరీ యూఎస్లో వాలిపోతారు. కానీ ఈ మధ్య యూఎస్ ప్రెసిడెంట్ ట్రంప్ వీసాలపై పలు కొర్రీలు పెడుతూ వస్తున్నాడు. తాజాగా భారత ఐటీ నిపుణులకు మరో షాకింగ్ న్యూస్ చెప్పాడు. డిసెంబర్లో జరగాల్సిన హెచ్1బీ, హెచ్4 వీసా ఇంటర్వ్యూలను యూఎస్ కాన్సులేట్లు సడెన్గా రద్దు చేస్తున్నాయి. ఇప్పటికే షెడ్యూల్ అయిన వీసా ఇంటర్వ్యూలను కూడా క్యాన్సిల్ చేస్తుండటంతో టెక్ నిపుణులు ఆందోళన వ్యక్తం చేస్తున్నారు. దానికి కారణం కొత్తగా అమల్లోకి రానున్న సోషల్ మీడియా వెట్టింగ్ నిబంధనలే అని అంటున్నారు. డిసెంబర్ 15 తర్వాత షెడ్యూల్ అయిన వీసా ఇంటర్వ్యూలు రద్దు డిసెంబర్ 15 తర్వాత షెడ్యూల్ చేసిన హెచ్1బీ, హెచ్4 వీసా అపాయింట్మెంట్లను అధికారులు రద్దు చేస్తున్నారు. రద్దు అయిన వీసా ఇంటర్వ్యూలు 2026 మార్చి నెలలో ఉండొచ్చని తెలుస్తోంది. కొత్త నిబంధనల వల్లనే అమెరికా వీసా కోసం దరఖాస్తు చేసుకున్న అభ్యర్థులు సోషల్ మీడియా ఖాతాలను డిసెంబర్ 15 నుంచి క్షుణ్ణంగా అధికారులు పరిశీలించనున్నారు. సోషల్ మీడియా ఖాతాలు వెరిఫై చేయడానికి చాలా సమయం తీసుకుంటుండటంతో రోజూ తీసుకునే ఇంటర్వ్యూల సంఖ్యను తగ్గించాలని యూఎస్ కాన్సులేట్లు నిర్ణయం తీసుకున్నట్టు తెలుస్తోంది. పబ్లిక్ మోడ్లో సోషల్ మీడియా కొత్త రూల్స్ ప్రకారం.. దరఖాస్తు చేసుకున్న అభ్యర్థులు ఖచ్చితంగా తమ సోషల్ మీడియా ఖాతాలను ప్రైవేట్ మోడ్ నుంచి పబ్లిక్ మోడ్లోకి మార్చాలి. అప్పుడే వాళ్ల సోషల్ మీడియా ఖాతాలను అధికారులు చెక్ చేసే అవకాశం ఉంటుంది. దరఖాస్తుదారుల్లో టెన్షన్ ఇప్పటికే షెడ్యూల్ అయిన వీసా ఇంటర్వ్యూలు రద్దు కావడంతో దరఖాస్తుదారుల్లో టెన్షన్ మొదలైంది. బయోమెట్రిక్స్ కూడా పూర్తయినా సడెన్గా ఇంటర్వ్యూలు రద్దు అయినట్టు వచ్చిన మెయిల్స్ చూసి అభ్యర్థులు ఖంగుతింటున్నారు. వీసా స్టాంపింగ్ కోసం భారత్ వచ్చిన వారు కూడా ఇప్పుడు ఇంటర్వ్యూలు వాయిదా పడటంతో నెలల తరబడి ఇక్కడ ఉండాల్సి వస్తుంది. ఉద్యోగాలపై ప్రభావం ఇలా సడెన్గా వీసా ఇంటర్వ్యూలు రద్దు కావడం, అది కూడా మార్చి 2026 వరకు వాయిదా వేయడం వల్ల యూఎస్లో ఉద్యోగం చేస్తున్న కంపెనీల్లో సమస్య వస్తుందని.. అప్పటి వరకు అక్కడికి వెళ్లకపోతే తమ ఉద్యోగాలు ఉంటాయో? ఊడుతాయో? అని టెక్ ఉద్యోగులు ఆవేదన వ్యక్తం చేస్తున్నారు. ATTENTION VISA APPLICANTS - If you have received an email advising that your visa appointment has been rescheduled, Mission India looks forward to assisting you on your new appointment date. Arriving on your previously scheduled appointment date will result in your being denied… — U.S. Embassy India (@USAndIndia) December 9, 2025