మాజీ మిస్ స్విస్ ఫైనలిస్టును చంపి ముక్కలుగా నరికి..

తను మాజీ మిస్ స్విట్జర్లాండ్ ఫైనలిస్ట్. పేరు క్రిస్టినా జోక్సిమోవిక్. వయసు 38. ఫిబ్రవరి 2024 లో తను హత్యకు గురి అయింది. తనను చంపింది ఎవరో కాదు 43 ఏళ్ల తన భర్త థామస్. క్రిస్టినా ఒక మోడల్. 2007 లో తను మిస్ నార్త్వెస్ట్ స్విట్జర్లాండ్గా గెలిచింది. ఆ తర్వాత మిస్ స్విట్జర్లాండ్ ఫైనలిస్టుగా నిలిచింది. ఆ తర్వాత మోడల్గా స్థిరపడింది. క్యాట్ వాక్ కోచ్గా పని చేసేది. చాలామంది మోడల్స్కు ట్రెయినింగ్ కూడా క్రిస్టినా ఇచ్చింది. ఆ తర్వాత కొంత కాలానికి థామస్ను పెళ్లి చేసుకుంది. ఆ తర్వాత ఏమైందో తెలియదు కానీ ఫిబ్రవరి 2024 లో తన గొంతు నులిమి హత్య చేశాడు. ఆ తర్వాత తన బాడీని మాయం చేయడం కోసం బాడీని ముక్కలు ముక్కలుగా నరికాడు. తన బాడీని అత్యంత దారుణంగా గార్డెన్లో వాడే పరికరాలను ఉపయోగించి కోశాడు. శరీరాన్ని ముక్కలుగా ఎలా కోయాలా అని యూట్యూబ్లో వీడియోలు కూడా చూశాడు. కొన్ని శరీర భాగాలను బ్లెండర్లో మిక్సీ పట్టి వాటిని కెమికల్ సొల్యూషన్లో కలిపి మాయం చేశాడు. మరికొన్ని చెత్తకుప్పల్లో పడేశాడు. ముందుగా తన భార్య చనిపోయిందని పోలీసులకు చెప్పిన థామస్ ఆ తర్వాత తానే తన భార్యను చంపినట్లుగా ఒప్పుకున్నాడు. క్రిస్టినా తనపై కత్తితో దాడికి తెగబడిందని స్వీయ రక్షణలో భాగంగా తనను చంపాల్సి వచ్చిందని కట్టు కథ అల్లాడు. అప్పటి నుంచి ఈ కేసుపై విచారణ జరుపుతున్న కోర్టు తాజాగా స్విస్ ప్రైవసీ చట్టాల ప్రకారం థామస్ను దోషిగా నిర్ధారించింది. తన భార్యను చంపినందుకు కోర్టు ఏ శిక్ష విధిస్తుందో వేచి చూడాల్సిందే.