మరో 20 దేశాలకు షాకిచ్చిన డొనాల్డ్ ట్రంప్.. ఆ దేశాల వాళ్లు యూఎస్‌కి రాకుండా బ్యాన్

డొనాల్డ్ ట్రంప్ ఎప్పుడైతే రెండోసారి అమెరికా అధ్యక్షుడిగా ఎన్నికయ్యాడో అప్పటి నుంచి తనలోని క్రూరత్వాన్ని బయటపెట్టాడు. భారత్తో పాటు చాలా దేశాలపై తన ప్రతాపాన్ని చూపిస్తూ వస్తున్నారు. అన్ని విషయాల్లో ట్రంప్ తీసుకునే నిర్ణయాలు ప్రపంచ దేశాలనే ఆందోళనకు గురి చేస్తున్నాయి. అగ్ర రాజ్యం కావడంతో ట్రంప్ ఏ నిర్ణయం తీసుకున్నా అవి ఆయా దేశాల ఆర్థిక వ్యవస్థపై ప్రభావం చూపిస్తున్నాయి. తాజాగా మరో 20 దేశాలకు డొనాల్డ్ ట్రంప్ షాకిచ్చాడు. వలస విధానాలను మరింత కఠినతరం చేస్తూ నిర్ణయం తీసుకున్నాడు. మరో 20 దేశాలపై ఆంక్షలు విధిస్తున్నట్లు వైట్ హౌస్ ప్రకటించింది. రెట్టింపు అయిన దేశాల సంఖ్య ఇప్పటికే జూన్ నెలలో 12 దేశాలపై నిషేధం విధించిన ట్రంప్ సర్కార్, తాజాగా మరో 20 దేశాలను ఆ జాబితాలో చేర్చింది. అలాగే, పాలస్తీనా అథారిటీ జారీ చేసే ట్రావెల్ డాక్యుమెంట్లతో యూఎస్కి వచ్చే వాళ్లు కూడా అమెరికాలోకి రాకుండా పూర్తి స్థాయి నిషేధాన్ని ట్రంప్ విధించాడు. బుర్కినా ఫాసో, మాలి, దక్షిణ సుడాన్, నైగర్, సిరియా దేశాల పౌరులకు ఇక నుంచి అమెరికాలోకి నో ఎంట్రీ. ఆ దేశాలను పూర్తి స్థాయిలో నిషేధించాడు. కొన్ని దేశాలపై పాకిక్ష ఆంక్షలు 15 దేశాలపై మాత్రం పాక్షికంగా ఆంక్షలు విధించాడు ట్రంప్. అవి అంగోలా, బెనిన్, ఆంటిగ్వా, బార్బుడా, డొమినికా, గాబన్, మలావి, ఐవరీ కోస్ట్, మారిటానియా, సెనెగల్, టాంజానియా, టోంగా, నైజీరియా, జాంబియా, జింబాబ్వే లాంటి దేశాలపై పాకిక్ష ఆంక్షలను విధించారు. ఆ దేశాల నిషేధానికి కారణాలు ఏంటి? ట్రంప్ నిషేధం విధించిన ఈ దేశాల్లో నేర చరిత్ర ఎక్కువగా ఉందని, అవినీతి ఎక్కువగా జరుగుతోందని, ఆయా దేశాల పౌరులు నకిలీ పత్రాలను సృష్టిస్తున్నారని, ఆయా దేశాల నుంచి యూఎస్కి వెళ్లే వారి వివరాలను తనిఖీ చేయడం కష్టంగా మారుతోందని యూఎస్ సర్కారు చెబుతోంది. అందులో నిజమైన పౌరులు ఎవరు? నకిలీ పౌరులు ఎవరు? అనేది గుర్తించడం కష్టంగా మారుతున్న నేపథ్యంలో ఆయా దేశాల ప్రజలను యూఎస్కి రాకుండా ఆంక్షలు విధిస్తూ ట్రంప్ సర్కారు తాజాగా ఈ నిర్ణయం తీసుకుంది. కొందరు అయితే వీసా గడువు ముగిసినా కూడా అక్కడే ఉండటం, ఆ పౌరుల దేశాలు కూడా తమ దేశ పౌరులను తిరిగి తమ దేశానికి వెనక్కి తీసుకోవడానికి నిరాకరించడం లాంటి కారణాలను కూడా యూఎస్ ప్రభుత్వం వెల్లడించింది. ఎప్పటి నుంచి అమలు? ఈ నిబంధనలు వచ్చే సంవత్సరం జనవరి 1 నుంచి అమలులోకి రానున్నాయని వైట్ హౌస్ వర్గాలు తెలిపాయి. ఇప్పటికే ఆయా దేశాల నుంచి వీసా అప్రూవ్ అయినవాళ్లు, యూఎస్లో సెటిల్ అయిన వాళ్లు, దౌత్యవేత్తలకు మాత్రం ఈ ఆంక్షల నుంచి మినహాయింపు ఉండనుంది. మరోవైపు అమెరికా తీసుకున్న ఈ నిర్ణయంపై ప్రపంచ దేశాలు వ్యతిరేకిస్తున్నాయి. కావాలని కొన్ని దేశాలను టార్గెట్ చేసుకొని వాళ్లను యూఎస్కి రానివ్వకుండా ఆపడం కరెక్ట్ కాదని మండిపడుతున్నారు.