Swiss Bar Explosion | న్యూఇయర్ వేడుకలు జరుగుతుండగా బార్‌లో భారీ పేలుడు

Swiss Bar Explosion | ఓవైపు న్యూ ఇయర్ వేడుకలు జోరుగా సాగుతున్నాయి. మరోవైపు సడెన్‌గా పెద్ద శబ్దంతో భారీ పేలుడు సంభవించింది. ఈ ఘటన స్విట్జర్లాండ్‌లోని క్రాన్స్ మొంటానా అనే ఏరియాలో చోటు చేసుకుంది. లె కన్‌స్టెల్లేషన్ అనే బార్‌లో కొత్త సంవత్సరం వేడుకలు జరుగుతున్నాయి. కొత్త సంవత్సరం ప్రారంభం అయ్యాక అర్ధరాత్రి 1.30 సమయంలో పేలుడు సంభవించింది. పేలుడు దాటికి పలువురు మృతి చెందగా, మరికొందరికి గాయాలయ్యాయి.

బ్లాస్ట్ సమయంలో బార్‌లో 100 మంది

బ్లాస్ట్ జరిగిన సమయంలో బార్‌లో వంద మంది వరకు ఉన్నట్లు సమాచారం. అందులో చాలామంది టూరిస్టులే ఉన్నారు. హాలీడే సీజన్ కావడంతో ఎక్కువ మంది పర్యాటకులు అక్కడ వేడుకల్లో పాల్గొన్నారు. ఇప్పటి వరకు 40 మందికి పైగా పేలుడు వల్ల మృత్యువాత పడినట్లు తెలుస్తోంది. పేలుడు ఎందుకు సంభవించింది? అనే కారణాలు మాత్రం తెలియలేదు. వెంటనే అక్కడికి చేరుకున్న రెస్క్యూ టీమ్, ఫైర్ సిబ్బంది మంటలను ఆర్పి క్షతగాత్రులను ఆసుపత్రులకు తరలించి చికిత్స అందిస్తున్నారు. ఈ ఘటనకు సంబంధించి పలు వీడియోలు సోషల్ మీడియాలో వైరల్ అవుతున్నాయి. ఆ వీడియోల ఆధారంగా పోలీసులు దర్యాప్తు ముమ్మరం చేశారు. బ్లాస్ట్‌కి గల కారణాలను విశ్లేషిస్తున్నారు.

A severe explosion in the ski town of Crans-Montana in #Switzerland:

the police report several dead and injured in an incident that broke out in the area of the New Year's event.

Emergency forces are on site and an investigation has been opened to determine the cause of the… pic.twitter.com/iioVEjVP1q

— War & Political News (@Elly_Bar_News) January 1, 2026