Sydney shooting | నువ్వు నిజమైన ఆస్ట్రేలియా హీరో

Sydney shooting | సిడ్నీలోని బాండీ బీచ్లో ఇటీవల జరిగిన కాల్పుల ఘటనలో తన ప్రాణాలకు తెగించి మరీ ఇతరులను కాపాడిన అహ్మద్ అల్ అహ్మద్ను ఆస్ట్రేలియా ప్రధాని ఆంథోనీ అల్బనీస్ పరామర్శించారు. దుండగుడి దాడిలో గాయపడిన అహ్మద్ ప్రస్తుతం ఆసుపత్రిలో చికిత్స పొందుతున్నారు. ఈ సందర్భంగా అహ్మద్ను కలిసిన ప్రధాని ఆయన ధైర్యసాహసాలను ప్రశ్నించారు. నువ్వు నిజమైన ఆస్ట్రేలియన్ హీరోవి అని కొనియాడారు. సాయుధులైన ఇద్దరు దుండగులు బాండీ బీచ్లో కాల్పులకు తెగబడిన విషయం తెలిసిందే. గన్తో ప్రజలపై విచక్షణారహితంగా కాల్పులు జరుపుతున్న ఓ దుండగుడిని వెనుక నుంచి వెళ్లి గట్టిగా పట్టుకొని అతడి గన్ లాక్కుంటాడు అహ్మద్. ఈ క్రమంలోనే అహ్మద్ చేతికి గాయాలయ్యాయి. అహ్మద్ ప్రస్తుతం సిడ్నీలోని సెయింట్ జార్జ్ ఆసుపత్రిలో చికిత్స పొందుతున్నారు. ప్రతి ఆస్ట్రేలియన్కి స్ఫూర్తిదాయకం తన ప్రాణాలను సైతం లెక్క చేయకుండా అహ్మద్ స్పందించిన తీరు ప్రతి ఆస్ట్రేలియన్కి స్ఫూర్తిదాయకం. మన దేశ అత్యుత్తమ విలువకు అహ్మద్ నిదర్శనం అని ప్రధాని కొనియాడారు. అహ్మద్ కాఫీ తాగడానికే వెళ్లాడు కానీ కళ్ల ముందు జరుగుతున్న కాల్పులను చూసి వెంటనే స్పందించారు. చాలామంది ప్రాణాలు కాపాడారన్నారు. రియల్ హీరో అంటున్న నెటిజన్లు అహ్మద్ది సిరియా. కానీ.. ప్రస్తుతం ఆస్ట్రేలియా పౌరుడిగా ఉన్నారు. తన కోసం ప్రార్థించిన వారందరికీ ధన్యవాదాలు అని అరబిక్లో తెలిపారు. అల్లా దయ వల్ల త్వరలోనే కోలుకుంటానని చెప్పారు. ఇక.. దుండగుడిని ప్రతిఘటించిన అహ్మద్ వీడియోలు సోషల్ మీడియాలో వైరల్ కావడంతో నెటిజన్లు అతడిని రియల్ హీరో అంటూ ఆకాశానికెత్తుతున్నారు. Ahmed, you are an Australian hero. You put yourself at risk to save others, running towards danger on Bondi Beach and disarming a terrorist. In the worst of times, we see the best of Australians. And that's exactly what we saw on Sunday night. On behalf of every Australian, I… pic.twitter.com/mAoObU3TZD — Anthony Albanese (@AlboMP) December 16, 2025 Ahmed, thank you on behalf of every Australian. pic.twitter.com/H7RXr5o9sc — Anthony Albanese (@AlboMP) December 16, 2025