Traffic Restrictions | గిగ్ వర్కర్ల బైక్ ర్యాలీ.. 12 గంట‌ల వ‌ర‌కు హైద‌రాబాద్‌లో ట్రాఫిక్‌ ఆంక్షలు

Traffic Restrictions | త్రినేత్ర న్యూస్‌: హైద‌రాబాద్‌లో గిగ్ వర్కర్లు (Gig Workers) భారీ బైక్ ర్యాలీ నిర్వ‌హించ‌నున్నారు. ఇందులో లోక్‌సభ ప్రతిపక్ష నేత రాహుల్ గాంధీ (Rahul Gandhi) పాల్గొననున్నారు. శిల్పకళా వేదిక నుంచి జయభేరి గ్రౌండ్స్ వరకు ర్యాలీ (Bike Rally) సాగ‌నుంది. ఈ నేపథ్యంలో సైబరాబాద్ పోలీసులు (Cyberabad Police) ట్రాఫిక్ ఆంక్షలు (Traffic Restrictions) విధించారు. శ‌నివారం ఉదయం 9 నుంచి మధ్యాహ్నం 12 గంటల వరకు ఆయా మార్గాల్లో ట్రాఫిక్ ఆంక్షలు ఉంటాయని తెలిపారు. ఆంక్షల సమయంలో భారీ వాహనాల రాకపోకల‌పై పూర్తిగా నిషేధం విధించారు. దీంతో వాహ‌న‌దారులు ప్ర‌త్యామ్నాయ మార్గాల్లో వెళ్లాల‌ని సూచించారు.

ఈ మ‌ర్గాల్లో ఆంక్ష‌లు..

సైబర్ టవర్స్ నుంచి హైటెక్స్ మెటల్ చార్మినార్ మీదుగా హెచ్‌ఐసీసీ, నోవాటెల్ వరకు ఆంక్షలు
కొండాపూర్, కొత్తగూడకు వెళ్లే వాహనాలను యశోద-వసంత సిటీ రోడ్ మీదుగా మళ్లింపు
బొటానికల్ గార్డెన్‌కు వెళ్లే వాహనాలను ఐకియా రోటరీ-మీనాక్షి-రోలింగ్ హిల్స్ మీదుగా మళ్లింపు
కొత్తగూడ నుంచి సైబర్ టవర్స్‌కు వెళ్లే వాహనాలను రాడిసన్-ఏఐజీ-ఐకియా రోటరీ మీదుగా మళ్లింపు
టెక్ మహీంద్రా నుంచి మెటల్ చార్మినార్ వైపు వచ్చే వాహనాలను సీఐఐ జంక్షన్ వద్ద మళ్లింపు