Traffic Restrictions | న్యూ ఇయర్‌ సందర్భంగా హైదరాబాద్‌లో ట్రాఫిక్‌ ఆంక్షలు

Traffic Restrictions | త్రినేత్ర‌.న్యూస్ : న్యూఇయ‌ర్ సంద‌ర్భంగా ఇవాళ హైద‌రాబాద్ న‌గ‌రంలో పోలీసులు ట్రాఫిక్ ఆంక్ష‌లు విధించారు. బుధ‌వారం రాత్రి 11 గంట‌ల నుంచి అర్ధ‌రాత్రి 2 గంట‌ల వ‌ర‌కు ట్రాఫిక్ ఆంక్ష‌లు అమ‌ల్లో ఉండ‌నున్నాయి. నెక్లెస్‌రోడ్‌, ఎన్టీఆర్‌ మార్గ్, ట్యాంక్‌బండ్‌పైకి వాహ‌న‌దారుల‌కు అనుమ‌తి లేదు. బేగంపేట్‌, టోలీచౌకి మినహా అన్ని ఫ్లైఓవర్లను రాత్రి 11 గంట‌ల నుంచి మూసివేయ‌నున్నారు. ఫ్లైట్‌ టికెట్‌ ఉంటేనే పీవీ ఎక్స్‌ప్రెస్‌ వేపైకి అనుమతి ఇవ్వ‌నున్న‌ట్లు పోలీసులు స్ప‌ష్టం చేశారు. ఇవాళ రాత్రి 10 గంటల నుంచి 2 గంటల వరకు హైదరాబాద్‌ సిటీలోకి ప్రైవేట్‌ బస్సులకు సైతం అనుమ‌తి లేద‌ని తేల్చిచెప్పారు.