MMTS | హైద‌రాబాద్‌లో గ‌ణేశ్ నిమ‌జ్జ‌నం.. అందుబాటులో ఎంఎంటీఎస్ రైళ్లు

MMTS | త్రినేత్ర‌.న్యూస్ : ఈ నెల 25న గ‌ణేశ్ నిమ‌జ్జ‌నానికి నెక్లెస్ రోడ్, ట్యాంక్ బండ్, ఎన్టీఆర్ మార్గ్‌లో ఏర్పాట్లు కొన‌సాగుతున్నాయి. ఈ ప్ర‌క్రియ‌ను వీక్షించేందుకు భ‌క్తులు భారీ సంఖ్య‌లో త‌ర‌లివ‌చ్చే అవ‌కాశం ఉంది. దీంతో ద‌క్షిణ మ‌ధ్య రైల్వే భ‌క్తుల ర‌ద్దీని దృష్టిలో ఉంచుకుని అద‌నంగా ఎంఎంటీఎస్ రైళ్ల‌ను న‌డ‌పాల‌ని నిర్ణ‌యించింది. ఈ నెల 25, 26 తేదీల్లో ఈ అద‌న‌పు రైళ్లు అందుబాటులో ఉంటాయ‌ని సౌత్ సెంట్ర‌ల్ రైల్వే ప్ర‌క‌టించింది. రాత్రి 11 నుంచి తెల్ల‌వారుజాము 5 గంంట‌ల వ‌ర‌కు అందుబాటులో ఉంటాయ‌న్నారు. సికింద్రాబాద్, హైద‌రాబాద్, లింగంప‌ల్లి, ఫ‌ల‌క్‌నూమా మ‌ధ్య రైళ్లు త‌మ రాక‌పోక‌లు కొన‌సాగిస్తాయ‌న్నారు.

సికింద్రాబాద్ - హైద‌రాబాద్ ఎంఎంటీఎస్ రైళ్లు రాత్రి 11.50 నుంచి, హైద‌రాబాద్ - లింగంప‌ల్లి స‌ర్వీసులు రాత్రి 12.30 గంట‌ల నుంచి, లింగంప‌ల్లి - హైద‌రాబాద్ స‌ర్వీసులు రాత్రి 1.50 గంట‌ల నుంచి అందుబాటులో ఉంటాయ‌న్నారు. ఈ ప్ర‌త్యేక స‌ర్వీసుల‌న్నీ అన్ని ఎంఎంటీఎస్ రైల్వే స్టేష‌న్ల‌లో ఆగుతాయ‌న్నారు.