Software Employee | మాదాపూర్‌లో సాఫ్ట్‌వేర్ ఉద్యోగిని ఆత్మ‌హ‌త్య‌..

Software Employee | త్రినేత్ర న్యూస్‌: హైదరాబాద్‌లోని మాదాపూర్‌లో సాఫ్ట్‌వేర్‌ ఉద్యోగిని (Software Employee) ఆత్మహత్య చేసుకున్నారు. మృతురాలిని ఉత్త‌ర‌ప్ర‌దేశ్‌కి చెందిన అర్చనా చౌదరి మాలిక్‌గా (29) గుర్తించారు. ఆమె ప్ర‌ముఖ ఐటీ కారిడార్ అయిన‌ మైండ్‌స్పేస్‌లో ఐటీ ఉద్యోగిగా ప‌నిచేస్తున్నారు. మాదాపూర్ (Madhapur) ప‌రిధిలోని చంద్ర‌నాయ‌క్ తాండాలో ఉన్న ఓ అపార్ట్‌మెంట్‌లో నివాసం ఉంటున్నారు. ఈ క్ర‌మంలో ఆదివారం ఉద‌యం తాను ఉంటున్న అపార్ట్‌మెంట్‌లో బలవన్మరణానికి (Suicide) పాల్పడినట్లు పోలీసులు ప్రాథమికంగా నిర్ధారించారు. మృతదేహాన్ని స్వాధీనం చేసుకుని పోస్టుమార్టం నిమిత్తం ఆసుపత్రికి తరలించారు. ఆమె ఆత్మహత్యకు గల అసలు కారణాలపై ఆరాతీస్తున్నారు.