Ponguleti Srinivas Reddy | ప్రజలు మార్పు కోరుకున్నారు.. మేము చేసి చూపించాం : పొంగులేటి

• రెండేళ్ల‌లోనే మార్పుచూపించి ప్ర‌జ‌ల విశ్వాసాన్ని నిల‌బెట్టుకున్నాం
• సంక్షేమానికి కేరాఫ్ కాంగ్రెస్ పాల‌న‌
• సంక్షోభంలో రాష్ట్రాన్ని రెండేళ్ల‌లో సంక్షేమ రాష్ట్రంగా తీర్చిదిద్దాం
• అభివృద్ది సంక్షేమ కార్యాక్ర‌మాల‌ను వేగవంతంగా ప్ర‌జ‌ల్లోకి చేర్చండి
• ఆధునీక‌రించిన ఐఅండ్‌పీఆర్ వెబ్‌సైట్‌ను ప్రారంభించిన‌ రాష్ట్ర రెవెన్యూ, హౌసింగ్, సమాచార పౌరసంబంధాల శాఖ మంత్రి పొంగులేటి శ్రీనివాస రెడ్డి

Ponguleti Srinivas Reddy | త్రినేత్ర.న్యూస్ : ఏ మార్పు కావాల‌ని తెలంగాణ ప్ర‌జ‌లు ప్ర‌జాప్ర‌భుత్వంపై విశ్వాసం ఉంచారో, రెండేళ్ల‌లోనే ఆ మార్పు స్ప‌ష్టంగా చూపించి ప్ర‌జ‌ల విశ్వాసాన్ని న‌మ్మ‌కాన్ని నిల‌బెట్టుకున్నామ‌ని రాష్ట్ర రెవెన్యూ, హౌసింగ్, సమాచార పౌరసంబంధాల శాఖ మంత్రి పొంగులేటి శ్రీనివాసరెడ్డి అన్నారు. త‌మ ప్ర‌భుత్వం అధికారం చేప‌ట్టేనాటికి అన్ని రంగాల‌లోనూ .. మ‌రీ ముఖ్యంగా ఆర్ధికరంగంలో పెను సంక్షోభంగా ఉందని.. ఆ ప‌రిస్ధితుల్లో ముఖ్యమంత్రి రేవంత్ రెడ్డి నాయ‌క‌త్వంలో ఒక్కోమెట్టు పేర్చుకుంటూ సంక్షోభం నుంచి గ‌ట్టెక్కుతూ అభివృద్ది, సంక్షేమాన్ని ప‌రుగులు పెట్టిస్తున్నామ‌ని మంత్రి స్పష్టం చేశారు.

దేశానికే ఆదర్శంగా నిలుస్తున్న సంస్కరణలు

ప్ర‌జా ప్ర‌భుత్వం తీసుకుంటున్న ప్ర‌తి నిర్ణ‌యం ప్ర‌జ‌ల జీవితాల‌లో స్ప‌ష్టమైన మార్పున‌కు నాంది ప‌లుకుతున్నాయని అన్నారు. వ్య‌వ‌సాయం, విద్య‌, వైద్యం, గృహ నిర్మాణం, స‌న్న‌బియ్యం, రేష‌న్ కార్డులు, ఉపాధి క‌ల్ప‌న వ‌ర‌కు అన్ని రంగాల్లో ప్ర‌భుత్వం చేప‌ట్టిన సంస్క‌ర‌ణ‌లు తెలంగాణ‌ను దేశానికి ఆద‌ర్శంగా నిలుపుతున్నాయ‌న్నారు. ఈ మార్పుల‌ను ప్ర‌జ‌ల‌కు స‌మ‌ర్ధవంతంగా చేర‌వేయ‌డంలో ప్ర‌జా సంబంధాల శాఖ పాత్ర అత్యంత కీల‌కం. ప్ర‌స్తుత ప‌రిస్ధితుల‌కు అనుగుణంగా సాంకేతిక ప‌రిజ్ఞానాన్ని విరివిగా వాడుకొని ప్ర‌భుత్వం చేప‌డుతున్న అభివృద్ది సంక్షేమ ప‌థకాల‌ను ఎప్ప‌టిక‌ప్పుడు వేగ‌వంతంగా ప్ర‌జ‌ల్లోకి తీసుకువెళ్లాల‌ని స‌మాచార శాఖ అధికారుల‌కు సూచించారు.

సమాచార, పౌర సంబంధాల శాఖ వెబ్‌సైట్ ప్రారంభం

సోమ‌వారం నాడు స‌చివాల‌యంలోని త‌న ఛాంబ‌ర్‌లో ఆధునీక‌రించిన స‌మాచార, పౌర సంబంధాల శాఖ వెబ్‌సైట్‌ను మంత్రి పొంగులేటి శ్రీ‌నివాస‌రెడ్డి ప్రారంభించారు. ఈ సంద‌ర్భంగా ఆయ‌న మాట్లాడుతూ.. ప్ర‌భుత్వ పాల‌న‌ను రెండేళ్లు పూర్తి చేసుకుని మూడో వసంతంలోకి అడుగుపెట్టాం. రెండేళ్ల కాలం మ‌రీ తక్కువే కానీ ప్రభుత్వం సాధించిన విజయాలు మాత్రం అత్యద్భుతం. రాష్ట్రంలో ఇందిర‌మ్మ ప్ర‌భుత్వం ఏర్పడిన వెంట‌నే ఆరు గ్యారంటీల అమ‌లుకు శ్రీ‌కారం చుట్టాం. ఎన్నిక‌ల్లో హామీలు ఇవ్వ‌క‌పోయినా ప్ర‌జ‌ల సంక్షేమం కోసం ప‌లు ప‌థకాల‌ను అమ‌లు చేశామన్నారు.

ఆర్థిక వృద్ధిలో తెలంగాణ అగ్రస్థానం

వ్యవ‌సాయ‌, పారిశ్రామిక రంగాల‌లో గ‌ణ‌నీయ‌మైన ప్రగ‌తిని సాధిస్తున్నాం. ఆర్ధికవృద్దిలో తెలంగాణ రాష్ట్రం అగ్రస్ధానంలో నిలిచింది. తెలంగాణ రాష్ట్రాన్ని భారత దేశంలోనూ, ప్రపంచ స్థాయిలో అగ్రస్థానంలో నిలిపేందుకు ముఖ్యమంత్రి రేవంత్ రెడ్డి నాయకత్వంలో తెలంగాణ రైజింగ్ - 2047 విజన్ తో ప్రజా ప్రభుత్వం ముందుకు సాగుతోంది. ఒక‌వైపు ప్రపంచ న‌గ‌రాల‌తో పోటీ ప‌డే ల‌క్ష్యాల‌ను నిర్ధేశించుకొని మ‌రోవైపు పేద‌ల ఆకాంక్షలు తీర్చే సంక్షేమ ఫ‌లాలు అందిస్తూ, ద్విముఖ వ్యూహంతో మా ప్రభుత్వం పాల‌న సాగిస్తోంది. పాల‌న‌లో పార‌ద‌ర్శక‌త‌, అభివృద్దిలో ఆధునిక‌త‌, సంక్షేమంలో స‌రికొత్త చ‌రిత్రను రాస్తూ తెలంగాణ‌ను రెండేళ్ల‌లో దేశానికి రోల్‌మోడ‌ల్‌గా నిల‌బెట్టామ‌ని అన్నారు. ఈ కార్య‌క్ర‌మంలో ఐఅండ్‌పీఆర్ క‌మీష‌న‌ర్ సీహెచ్‌.ప్రియాంక‌, ముఖ్య‌మంత్రి సీపీఆర్‌వో జి.మ‌ల్సూర్‌, స‌మాచార శాఖ అడిష‌న‌ల్ డైరెక్ట‌ర్ డీఎస్ జ‌గ‌న్, జాయింట్ డైరెక్ట‌ర్ ర‌మ‌ణ త‌దిత‌ర అధికారులు పాల్గొన్నారు.

https://x.com/INC_Ponguleti/status/2018275460417986971