OU PhD Admissions | ఓయూ పీహెచ్‌డీ క్యాటగిరీ-1 ఫలితాలు వచ్చేశాయ్.. తదుపరి ప్రక్రియ ఇదే!

OU PhD Admissions | త్రినేత్ర.న్యూస్ : ఉస్మానియా యూనివర్సిటీలో (Osmania University) పీహెచ్‌డీ (PhD) చేయాలనుకునే విద్యార్థులకు గుడ్ న్యూస్. పీహెచ్‌డీ ప్రవేశాలకు సంబంధించి క్యాటగిరీ-I (Category-I) కింద తాత్కాలికంగా ఎంపికైన విద్యార్థుల జాబితాను వర్సిటీ అధికారులు జులై 8, 2026న అడ్మినిస్ట్రేటివ్ బిల్డింగ్‌లో అధికారికంగా విడుదల చేశారు. రిజిస్ట్రార్ ప్రొఫెసర్ జి. నరేష్ రెడ్డి, ఓఎస్‌డీ ప్రొఫెసర్ ఎస్. జితేంద్ర కుమార్ నాయక్ తదితరులు పాల్గొన్న ఈ కార్యక్రమంలో.. వీసీ ప్రొఫెసర్ కుమార్ మొలుగారం ఈ జాబితాతో పాటు మరికొన్ని కీలక నోటిఫికేషన్లను రిలీజ్ చేశారు.

సర్టిఫికెట్ వెరిఫికేషన్‌కు లాస్ట్ డేట్ ఇదే..

క్యాటగిరీ-I కింద సెలెక్ట్ అయిన కాండిడేట్స్ జూలై 15, 2026 లోపు తమ సంబంధిత ఫ్యాకల్టీ డీన్ కార్యాలయానికి వెళ్లి రిపోర్ట్ చేయాలని అధికారులు సూచించారు. సర్టిఫికెట్ వెరిఫికేషన్ (Certificate Verification), ఇతర అడ్మిషన్ ఫార్మాలిటీస్‌ను (Admission formalities) ఈ గడువులోగా తప్పనిసరిగా పూర్తి చేసుకోవాలి.

క్యాటగిరీ-II నోటిఫికేషన్ రిలీజ్..

మరోవైపు పీహెచ్‌డీ క్యాటగిరీ-II కి సంబంధించిన అడ్మిషన్ నోటిఫికేషన్‌ను కూడా ఓయూ వీసీ ఈ సందర్భంగా విడుదల చేశారు. అయితే, ఈ ప్రవేశాలకు సంబంధించిన పూర్తి షెడ్యూల్ (Schedule), గైడ్‌లైన్స్‌ (Guidelines), అప్లికేషన్ వివరాలను జూలై 16, 2026న అధికారికంగా విడుదల చేయనున్నారు. అడ్మిషన్స్ కోసం ఎదురుచూస్తున్న విద్యార్థులు తాజా సమాచారం కోసం ఎప్పటికప్పుడు ఓయూ అఫీషియల్ వెబ్‌సైట్‌ను చెక్ చేస్తూ ఉండాలని వర్సిటీ యాజమాన్యం కోరింది.

అధ్యాపకులకు గుడ్ న్యూస్ (CAS - 2026)

విద్యార్థులతో పాటే ఓయూ ప్రొఫెసర్లకు కూడా వీసీ శుభవార్త చెప్పారు. వర్సిటీలో అర్హులైన అధ్యాపకులకు ప్రమోషన్స్ (Promotions) కల్పించేందుకు ఉద్దేశించిన ప్రతిష్టాత్మక 'కెరీర్ అడ్వాన్స్‌మెంట్ స్కీమ్ (CAS) - 2026' నోటిఫికేషన్‌ను అధికారికంగా విడుదల చేశారు. యూనివర్సిటీ రూల్స్, గైడ్‌లైన్స్‌కు అనుగుణంగా ఫ్యాకల్టీ కెరీర్ డెవలప్‌మెంట్‌కు ఈ నోటిఫికేషన్ ఎంతగానో ఉపయోగపడుతుందని అధికారులు పేర్కొన్నారు.

అభ్యర్థులు,  అధ్యాపకులు ఈ నోటిఫికేషన్లలో పేర్కొన్న గడువులు, విధివిధానాలను స్పష్టంగా చదువుకుని పాటించాలని యూనివర్సిటీ విజ్ఞప్తి చేసింది. పూర్తి వివరాలను ఉస్మానియా వెబ్‌సైట్ నుంచి డౌన్‌లోడ్ చేసుకోవచ్చు.