Hyderabad | స్కూల్ బ‌స్సు డ్రైవ‌ర్ల‌కు బ్రీత్ లైజ‌ర్ టెస్టు త‌ప్ప‌నిస‌రి..!

Hyderabad | త్రినేత్ర‌.న్యూస్ : హైద‌రాబాద్ న‌గ‌రంలోని స్కూల్ విద్యార్థుల భ‌ద్ర‌త‌ను దృష్టిలో ఉంచుకుని ట్రాఫిక్ పోలీసులు కీల‌క నిర్ణ‌యం తీసుకున్నారు. ప్ర‌యివేటు పాఠ‌శాల‌ల బ‌స్సు డ్రైవ‌ర్ల‌కు బ్రీత్ లైజ‌ర్ టెస్టును త‌ప్ప‌నిస‌రి చేశారు ట్రాఫిక్ పోలీసులు. ఉద‌యం బ‌స్సు ఎక్కే ముందే ఆయా పాఠ‌శాల‌ల యాజ‌మాన్యాలు త‌మ డ్రైవ‌ర్ల‌కు త‌ప్ప‌నిస‌రిగా బ్రీత్ లైజ‌ర్ టెస్టులు చేయాల‌ని, ఆ త‌ర్వాత‌నే డ్రైవింగ్‌కు అనుమ‌తించాల‌ని పోలీసులు ఆదేశించారు. ఇలా చేయ‌డం వ‌ల్ల రోడ్డు ప్ర‌మాదాల‌కు ఆస్కారం ఉండ‌ద‌ని, పిల్ల‌లకు కూడా భ‌ద్ర‌త ఉంటుంద‌ని పోలీసులు పేర్కొన్నారు.

అవ‌స‌ర‌మైతే బస్సు డ్రైవ‌ర్ల‌కు పోలీసులు కూడా టెస్టులు నిర్వ‌హిస్తార‌ని పేర్కొన్నారు. ట్రాఫిక్ పోలీసుల‌కు పాఠ‌శాల‌ల యాజ‌మాన్యాలు స‌హ‌క‌రించాల‌ని సూచించారు. ప్ర‌యివేటు పాఠ‌శాల‌ల బ‌స్సు డ్రైవ‌ర్ల‌తో పాటు ఆటో డ్రైవ‌ర్లు కూడా జాగ్ర‌త్త‌లు తీసుకోవాల‌న్నారు. విద్యార్థుల‌తో పాటు డ్రైవ‌ర్లు కూడా ట్రాఫిక్ నిబంధ‌న‌ల‌ను ఫాలో కావాల‌న్నారు. ర‌వాణా భ‌ద్ర‌త నిబంధ‌న‌లు ఉల్లంఘించే వారిపై క్రిమిన‌ల్ కేసులు న‌మోదు చేసి, వాహ‌నాలను సీజ్ చేస్తామ‌ని ట్రాఫిక్ పోలీసులు హెచ్చ‌రించారు.