Leopard | అది చిరుత కాదు.. కుక్క అయి ఉండొచ్చు

Leopard | త్రినేత్ర‌.న్యూస్ : శంషాబాద్ ఎయిర్‌పోర్టు స‌మీపంలో చిరుత సంచ‌రిస్తోంద‌ని స్థానికులు ఆందోళ‌న వ్య‌క్తం చేసిన సంగ‌తి తెలిసిందే. అయితే ఈ వార్త‌ల‌పై ఆర్‌జీఐఏ పోలీసులు, రంగారెడ్డి జిల్లా ఫారెస్ట్ రేంజ్ ఆఫీస‌ర్ స్పందించారు. అది చిరుత అయి ఉండ‌క‌పోవ‌చ్చు.. కుక్క లేదా అడ‌వి పంది అయి ఉండొచ్చ‌ని పేర్కొన్నారు.

ప్ర‌స్తుతం పాద‌ముద్ర‌లు సేక‌రించామ‌ని, అట‌వీశాఖ అధికారుల‌తో పాటు నెహ్రూ జూపార్కు అధికారులు వాటిని ప‌రిశీలిస్తున్నార‌ని తెలిపారు. స్థానికులు ఎవ‌రూ కూడా ఆందోళ‌న చెందాల్సిన అవ‌స‌రం లేద‌న్నారు.

శ‌నివారం ఉద‌యం జీఎంఆర్ చిన్మ‌యి విద్యాల‌య వ‌ద్ద చిరుత క‌నిపించిన‌ట్లు స్థానికులు పోలీసుల‌కు స‌మాచారం అందించారు. దీంతో అప్ర‌మ‌త్త‌మైన పోలీసులు అట‌వీశాఖ అధికారుల‌ను అల‌ర్ట్ చేసి.. ఆ ప్రాంతానికి చేరుకున్నారు. పాద‌ముద్ర‌ల‌ను ప‌రిశీలించిన అనంత‌రం అది అడ‌వి పంది అయి ఉండొచ్చు. లేదా పిల్లి జాతికి చెందిన జంతువు అయి ఉండొచ్చ‌ని అట‌వీశాఖ అధికారి వీరేశం పేర్కొన్నారు.