Maganti Gopinath | రోడ్డు ప్ర‌మాదంలో తీవ్రంగా గాయ‌ప‌డ్డ మాగంటి గోపీనాథ్ ఇద్ద‌రు కుమార్తెలు

Maganti Gopinath | త్రినేత్ర‌.న్యూస్ : దివంగ‌త ఎమ్మెల్యే మాగంటి గోపీనాథ్ ఇద్ద‌రు కుమార్తెలు రోడ్డు ప్ర‌మాదంలో తీవ్రంగా గాయ‌ప‌డ్డారు. ఇద్ద‌రిలో ఒక‌రి ప‌రిస్థితి విష‌మంగా ఉంది. ఇద్ద‌రు కూతుళ్లు కూడా హైద‌రాబాద్‌లోని ఓ ప్ర‌యివేటు ఆస్ప‌త్రిలో చికిత్స పొందుతున్నారు.

తెలంగాణ పోలీసు అకాడ‌మీ స‌మీపంలో మంచిరేవుల వ‌ద్ద ఔట‌ర్ రింగ్ రోడ్డుపై శ‌నివారం రాత్రి 8:50 గంట‌ల స‌మ‌యంలో మాగంటి గోపీనాథ్ కుమార్తెలు ప్ర‌యాణిస్తున్న కారు.. ముందు వెళ్తున్న డీసీఎంను బ‌లంగా ఢీకొట్టింది. ఈ ప్ర‌మాదంలో కారు ముందు భాగం నుజ్జునుజ్జు అయింది. కారులో ప్ర‌యాణిస్తున్న ఇద్ద‌రు కుమార్తెల‌కు గాయాల‌య్యాయి. పెద్ద కుమార్తె అక్ష‌రకు తీవ్ర గాయాలు కాగా, మ‌రో కూతురికి స్వ‌ల్ప గాయాల‌య్యాయి. వీరిద్ద‌రూ హైద‌రాబాద్‌లోని ఓ ప్ర‌యివేటు ఆస్ప‌త్రిలో చికిత్స పొందుతున్నారు. గ‌చ్చిబౌలి నుంచి శంషాబాద్ ఎయిర్‌పోర్టు వైపు వెళ్తుండ‌గా ఈ ప్ర‌మాదం జ‌రిగిన‌ట్లు పోలీసులు నిర్ధారించారు. కేసు న‌మోదు చేసుకున్న నార్సింగి పోలీసులు ద‌ర్యాప్తు చేప‌ట్టారు.