Software Engineer | కార్పొరేట‌ర్ విజ‌యారెడ్డిపై సోష‌ల్‌మీడియాలో అస‌భ్య‌క‌ర పోస్టులు.. సాఫ్ట్‌వేర్ ఇంజినీర్ అరెస్ట్‌

Software Engineer | త్రినేత్ర‌.న్యూస్‌: గ్రేటర్ హైదరాబాద్ మున్సిపల్ కార్పొరేషన్ (GHMC) కార్పొరేటర్‌పై సోషల్ మీడియాలో (Social Media) అసభ్యకర పోస్టులు పెట్టిన ఒక సాఫ్ట్‌వేర్ ఇంజినీర్‌ను (Software Engineer) పోలీసులు అరెస్ట్ చేశారు. కార్పొరేట‌ర్ పీ. విజ‌యారెడ్డి (P Vijaya Reddy)ఫిర్యాదు మేర‌కు నిందితుడిని సైబ‌ర్ క్రైమ్ పోలీసులు అదుపులోకి తీసుకున్నారు. గ‌తేడాది అక్టోబ‌ర్‌లో ఇర్రం మంజిల్‌లో ప్ర‌భుత్వ పాఠ‌శాల ప్రారంభోత్స‌వం పాల్గొన్న విజ‌య‌రెడ్డి విడియోల‌ను ఇన్‌స్టాగ్రామ్ చాన‌ళ్ల పోస్టు చేసిన నిందితుడు.. ఆమెపై అస‌భ్య‌క‌ర‌మైన ప‌ద‌జాలంతో దూషించ‌డంతోపాటు, ప‌రువు న‌ష్టం క‌లిగించేలా వ్యాఖ్య‌లు చేశాడు.

దీంతో విజ‌యా రెడ్డి ఫిర్యాదు ఆధారంగా ఐటి చట్టంలోని సెక్షన్‌ 66 (డీ), సెక్ష‌న్లు 67, 79, బీఎన్ఎస్ 238 కింద కేసు కేసు న‌మోదుచేసిన సైబ‌ర్ క్రైమ్ పోలీసులు.. నిందితుడిని న‌గ‌రంలోని ప్ర‌ముఖ ఐటీ కంపెనీలో ప‌నిచేస్తున్న సాఫ్ట్‌వేర్ ఇంజినీర్‌గా గుర్తించారు. నిందితుడిని అదుపులోకి తీసుకుని, అత‌ని మొబైల్ ఫోన్‌, ల్యాప్‌టాప్‌ను సీజ్ చేశారు.