Hyderabad | విషాదం.. స్కూటీ మీద వెళ్తూ ఆర్టీసీ బస్సు కింద పడి భార్యాభర్తలు స్పాట్ డెడ్

Hyderabad | హైదరాబాద్‌లోని మలక్‌పేట్‌లో విషాదం చోటు చేసుకుంది. ఆర్టీసీ లోకల్ బస్సు ఢీకొని భార్యాభర్తలు ఇద్దరూ అక్కడికక్కడే మృతి చెందారు. మలక్‌పేటలో ఉంటున్న తమ కూతురుని చూసేందుకు భార్యాభర్తలు ఇద్దరూ సూర్యాపేట నుంచి వచ్చారు. అనంతరం కొంచెం పని ఉందని చెప్పి ఇద్దరు స్కూటీ మీద వెళ్తున్నారు. మూసారాంబాగ్ హైటెక్ గార్డెన్ వైపు వెళ్తున్న వీళ్లు.. ముందు వెళ్తున్న ఆర్టీసీ బస్సును ఓవర్ టేక్ చేసే ప్రయత్నం చేశారు.

ఈనేపథ్యంలో బస్సు.. వారి స్కూటీని ఢీకొట్టడంతో ఇద్దరు బస్సు వెనుక టైర్ల కింద పడి అక్కడికక్కడే మృతి చెందారు. అది దిల్‌సుఖ్‌నగర్ డిపోకి చెందిన బస్సు. ఈ ప్రమాదంలో ఇద్దరు అక్కడికక్కడే మృతి చెందడంతో తనను చూడటానికి వచ్చి తల్లిదండ్రులు రోడ్డు ప్రమాదంలో మృతి చెందడాన్ని జీర్ణించుకోలేక వారి కూతురు తట్టుకోలేకపోయింది. రోడ్డు మీద తల్లిదండ్రుల మృతదేహాలను చూసి గుండెలవిసేలా రోదించింది. ఈ ప్రమాదంపై కేసు నమోదు చేసుకున్న పోలీసులు సీసీటీవీ ఆధారంగా దర్యాప్తు చేస్తున్నారు.

సీసీటీవీ ఫుటేజ్

స్కూటీని ఢీకొన్న ఆర్టీసీ బస్సు, అక్కడికక్కడే మృతిచెందిన భార్యభర్తలు

హైదరాబాద్ – మలక్‌పేట్ ప్రాంతంలో ఉంటున్న తమ కూతురిని చూసేందుకు సూర్యాపేట నుండి వచ్చి, స్కూటీపై బయటకు వెళ్లిన తిరుపతి రావు, వెంకటమ్మ దంపతులు

మూసారాంబాగ్‌ హైటెక్ గార్డెన్ సమీపంలో వీరు వెళ్తున్న… pic.twitter.com/YEFT9iMfS7

— Telugu Scribe (@TeluguScribe) January 2, 2026