Rain | హైద‌రాబాద్‌లో ప‌లు ప్రాంతాల్లో వ‌డ‌గ‌ళ్ల వాన‌

Rain | త్రినేత్ర‌.న్యూస్ : హైద‌రాబాద్‌లోని ప‌లు ప్రాంతాల్లో బుధ‌వారం సాయంత్రం మ‌ళ్లీ వ‌ర్షం కురిసింది. హ‌య‌త్ న‌గ‌ర్‌, వ‌న‌స్థ‌లిపురం, అబ్దుల్లాపూర్‌మెట్, ఘ‌ట్‌కేస‌ర్, పోచారం, అన్నోజిగూడ‌, నార‌ప‌ల్లి, బీఎన్ రెడ్డి, ఇబ్ర‌హీంప‌ట్నం, ఎల్‌బీన‌గ‌ర్‌తో పాటు ప‌లు ప్రాంతాల్లో వ‌డ‌గ‌ళ్ల వాన కురిసింది. జోరుగా కురిసిన వ‌డ‌గాళ్ల వాన‌కు స్థానికులు తీవ్ర ఇబ్బందులు ప‌డ్డారు. ప‌లు ప్రాంతాల్లో విద్యుత్ స‌ర‌ఫ‌రాకు తీవ్ర అంత‌రాయం క‌లిగింది. జాతీయ రహదారి పైకి నీరు చేరడంతో వాహనదారులు ఇబ్బందులు పడుతున్నారు.

నిన్న సాయంత్రం ఐటీ కారిడార్‌లో భారీ వ‌డ‌గళ్ల వాన కురిసిన సాయంత్రం తెలిసిందే. స‌రిగ్గా ఉద్యోగులు త‌మ నివాసాల‌కు వెళ్లే స‌మ‌యానికి వ‌ర్షం కురియ‌డంతో తీవ్ర ఇబ్బందులు ఎదుర్కొన్నారు. హైటెక్ సిటీ, మాదాపూర్, కొండాపూర్, గ‌చ్చిబౌలి, కూక‌ట్‌ప‌ల్లి, జూబ్లీహిల్స్ వంటి ఏరియాలో భారీగా ట్రాఫిక్ జామ్ ఏర్ప‌డింది.