Ghatkesar Bandh | రైల్వే వంతెన కోసం ఘట్‌కేసర్ బంద్‌.. మూత‌ప‌డి విద్యాసంస్థ‌లు, దుకాణాలు

Ghatkesar Bandh | త్రినేత్ర న్యూస్‌: మేడ్చ‌ల్ జిల్లా ఘ‌ట్‌కేస‌ర్‌లో (Ghatkesar) ఏండ్ల త‌ర‌బ‌డి అసంపూర్తిగా ఉన్న రైల్వే వంతెన నిర్మాణ ప‌నులును (Rail over Bridge) త‌క్ష‌ణ‌మే పూర్తి చేయాల‌ని డిమాండ్ చేస్తూ బంద్ కొన‌సాగుతున్నది. 18 ఏండ్ల ఎదురుచూపులకు ఇక‌నైనా ముగింపు ప‌ల‌కాలంటూ ఘ‌ట్‌కేస‌ర్ ప‌ట్ట‌ణంలో వ్యాపార‌, వాణిజ్య వ‌ర్గాలు స్వ‌చ్ఛంగా బంద్ (Ghatkesar Bandh) పాటిస్తున్నాయి. కాలేజీలు, పాఠ‌శాల‌లు మూత‌ప‌డ్డాయి. ఏండ్లుగా పోరాడుతున్నా పరిష్కారం లేదని స్థానికులు ఆవేదన వ్య‌క్తం చేస్తున్నారు. వెంటనే వంతెన నిర్మాణ పనులు ప్రారంభించాలని అఖిల‌ప‌క్ష నాయ‌కులు డిమాండ్ చేస్తున్నారు.

రైల్వే వంతెన (Railway Bridge) నిర్మాణాన్ని త్వరితగతిన పూర్తి చేయడంతో పాటు వంతెనకు ఇరువైపులా రహదారులను విస్తరించాలని కోరుతున్నారు. జిల్లా బస్సులను ఘట్‌కేసర్ పట్టణం మీదుగా నడపాలని చెప్పారు. రైల్వే వంతెన సాధన పోరాటం పార్టీలకతీతంగా సాగుతున్నద‌ని, ప్ర‌జ‌లంతా స్వ‌చ్ఛందంగా ఇందులో పాల్గొంటున్నార‌ని వెల్ల‌డించారు.