PHD Student Murdered | కోకాపేట్‌లో పీహెచ్‌డీ విద్యార్థి దారుణ హ‌త్య

PHD Student Murdered | త్రినేత్ర న్యూస్: హైదరాబాద్ నార్సింగి పోలీస్ స్టేషన్ పరిధిలో దారుణం చోటుచేసుకుంది. ఉస్మానియాలో ఉంటూ పీహెచ్‌డీ చ‌దువుతున్న యువ‌కుడిని దుండ‌గులు దారుణంగా హ‌త్య చేశారు. క్రికెట్ బ్యాట్‌తో త‌లపై బాది హ‌త్య చేసిన‌ట్లు పోలీసులు అనుమానం వ్య‌క్తం చేస్తున్నారు. మృత‌దేహాన్ని కోకాపేట నియో పోలీస్ కురుమ సంఘం భవనం వద్ద వ‌దిలేసి వెళ్లిన‌ట్లు పోలీసులు గుర్తించారు.

వివ‌రాల్లోకి వెళ్తే.. ఖ‌మ్మం జిల్లాకు చెందిన వెంక‌న్న ఉస్మానియాలో పీహెచ్‌డీ చేస్తున్నాడు. అయితే వెంక‌న్న‌ను ఎక్క‌డో హ‌త్య చేసి మృత‌దేహాన్ని కోకాపేట‌లో ప‌డేసి వెళ్లారు. స‌మాచారం తెలిసిన వెంట‌నే డీసీపీ చింతమనేని శ్రీనివాస్ ఘటనా స్థలానికి చేరుకున్నారు. కేసు న‌మోదు చేసుకొని హ‌త్య‌కు గ‌ల కార‌ణాల‌పై ద‌ర్యాప్తు అనంత‌రం పూర్తి వివ‌రాలు వెల్ల‌డిస్తామని ఆయ‌న తెలిపారు. కాగా మృతుడు వెంకన్నకు భార్య, ఇద్దరు పిల్లలు ఉన్నట్లు సమాచారం.