BRS vs Congress | మాజీ మంత్రి మ‌ల్లారెడ్డి అనుచ‌రుడిపై కాంగ్రెస్ నేత‌ల దాడి.. వీడియో

BRS vs Congress | త్రినేత్ర‌.న్యూస్ : మున్సిప‌ల్ ఎన్నిక‌ల ప్ర‌చారం ర‌ణ‌రంగాన్ని త‌ల‌పిస్తున్నాయి. ప్ర‌ధానంగా అధికార పార్టీ కాంగ్రెస్, ప్ర‌తిప‌క్ష పార్టీ బీఆర్ఎస్ మ‌ధ్య యుద్ధ వాతావ‌ర‌ణం నెల‌కొంది. ఇరు పార్టీ నేత‌లకు సందు దొరికితే చాలు క‌య్యానికి కాలు దువ్వుతున్నారు. తాజాగా మేడ్చ‌ల్ జిల్లాలో కాంగ్రెస్, బీఆర్ఎస్ నేత‌ల మ‌ధ్య తీవ్ర ఘ‌ర్ష‌ణ చోటు చేసుకుంది.

అలియాబాద్ మున్సిపాలిటీ ప‌రిధిలోని లాల్‌గ‌డి మ‌ల‌క్‌పేట్ ప్రాంతంలో శుక్ర‌వారం ఉద‌యం మాజీ మంత్రి, బీఆర్ఎస్ ఎమ్మెల్యే మ‌ల్లారెడ్డి ఎన్నిక‌ల ప్ర‌చారం నిర్వ‌హించారు. ఈ సంద‌ర్భంగా పార్టీ అభ్యర్థులతో మాట్లాడుతున్న సమయంలో కాంగ్రెస్ ప్రచార రథంలో డీసీసీ అధ్యక్షుడు వజ్రేశ్ యాదవ్ అక్క‌డికి చేరుకున్నాడు. కాంగ్రెస్ పాట‌లు పెట్టి సౌండ్ పెంచారు.

దీంతో కాస్త సౌండ్ త‌గ్గించాల‌ని మ‌ల్లారెడ్డి అనుచ‌రుడు ఢిల్లీ ప‌ర‌మేశ్ కాంగ్రెస్ నేత‌ల‌ను కోరాడు. దీంతో ఆగ్ర‌హావేశాల‌కు లోనైన వ‌జ్రేష్ యాద‌వ్.. ప‌ర‌మేశ్‌పై దాడికి పాల్ప‌డ్డాడు. కింద‌కు తోసేయ‌డంతో ప‌ర‌మేశ్ త‌ల‌కు గాయ‌మైంది. ఈ క్ర‌మంలో అక్క‌డ ఉద్రిక్త ప‌రిస్థితులు నెల‌కొన్నాయి. పోలీసులు ఇరు పార్టీల కార్య‌క‌ర్త‌ల‌ను చెద‌ర‌గొట్టారు.

https://x.com/TeluguScribe/status/2019689033753063446