Delivery Agent | లిఫ్ట్ నిరాక‌ర‌ణ‌.. భారీ పార్శిల్‌తో ఆరంత‌స్తులు ఎక్కిన డెలివ‌రీ బాయ్‌.. VIDEO

Delivery Agent | డెలివరీ ఏజెంట్లు, ప్యాకర్స్ అండ్ మూవర్స్ నివాస సముదాయాల్లోని మెయిన్ లిఫ్ట్‌ (elevator)లను ఉపయోగించకుండా సొసైటీ నిబంధనల పేరుతో అపార్ట్‌మెంట్ వాసులు అడ్డుకుంటున్నారు. దీంతో ఎత్తైన భ‌వ‌నాల్లో డెలివ‌రీ చేసేందుకు వెళ్లే ఏజెంట్లు (delivery agent) తీవ్ర అవ‌స్థ‌లు ప‌డుతున్నారు. కొన్ని అంత‌స్తుల మేర మెట్లు ఎక్కుతూ ఇబ్బందుల‌కు గుర‌వుతున్నారు. ఇలాంటి ఘ‌ట‌న‌లు ఇప్ప‌టికే అనేకం వెలుగుచూశాయి. తాజాగా అలాంటి ఘ‌ట‌నే మరొక‌టి వెలుగులోకి వ‌చ్చింది.

నివాస భ‌వ‌నంలోని లిఫ్ట్ నిరాక‌రించ‌డంతో ఓ డెలివ‌రీ ఏజెంట్ భారీ పార్శిల్‌తో ఏకంగా ఆరు అంత‌స్తులు మెట్లు ఎక్కుతూ వెళ్లాడు. త‌న భుజంపై మోయ‌లేని మూట‌తోనే తిప్ప‌లు ప‌డుతూ స‌ద‌రు డెలివ‌రీ ఏజెంట్ మెట్లెక్కాడు. ఇందుకు సంబంధించిన వీడియో ప్ర‌స్తుతం వైర‌ల్ అవుతోంది. వీడియో చూసిన నెటిజ‌న్లు షాక్‌కు గుర‌వుతున్నారు. అపార్ట్‌మెంట్ వాసులు, సెక్యూరిటీ సిబ్బంది తీరుపై మండిప‌డుతున్నారు. ‘చిన్న చిన్న సామ‌న్ల‌కు అనుమ‌తించ‌క‌పోయినా.. ఇలా మోయ‌లేని బ‌రువు తీసుకెళ్లే వారికైనా లిఫ్ట్ అనుమ‌తించొచ్చు క‌ద..?’ అంటూ ప్ర‌శ్నిస్తున్నారు. డెలివ‌రీ ఏజెంట్ల ప‌ట్ల క‌నీస సానుభూతితో ఉండాలంటూ చుర‌క‌లంటిస్తున్నారు. ఇక స్విగ్గీ, జొమాటో వంటి సంస్థ‌లు సైతం ఈ వీడియోపై స్పందిస్తున్నాయి. త‌మ ఏజెంట్ల‌కు మ‌ద్ద‌తుగా నిలుస్తున్నాయి. డెలివ‌రీ ఏజెంట్ల‌కు లిఫ్ట్ సౌక‌ర్యం క‌ల్పించాల‌ని డిమాండ్ చేస్తున్నాయి.

https://x.com/DealsDhamaka/status/2017423463687065997?ref_src=twsrc%5Etfw%7Ctwcamp%5Etweetembed%7Ctwterm%5E2017423463687065997%7Ctwgr%5E4fe9a44693f95e2d05bf30d6258bc46973b9ff13%7Ctwcon%5Es1_&ref_url=https%3A%2F%2Findianexpress.com%2Farticle%2Ftrending%2Ftrending-in-india%2Fdenied-elevator-delivery-agent-climbs-to-6th-floor-carrying-heavy-parcel-on-back-video-sparks-debate-10507567%2F