లోడ్ అవుతోంది...
Pradeep Manthri
Flash news | Jan 14, 2026, 3.05 pm IST
Hottest Year | భూతాపం విపరీతంగా పెరుగుతున్నది. గ్రీన్హౌస్ వాయువల వాడకం విపరీతంగా పెరగడంతో ప్రపంచవ్యాప్తంగా సగటు ఉష్ణోగ్రతలు రికార్డు స్థాయిలో పెరుగుతున్నాయి. ఫలితంగా వేడిగాలులు, వరదలు, అగ్ని ప్రమాదాలు తదితర ప్రకృతి విపత్తులకు కారణమవుతున్నది. ఇక 2025 సంవత్సరం చరిత్రలో మూడో అత్యంత వేడి సంవత్సరంగా నిలిచింది. 2023 సంవత్సరం కంటే 0.01 డిగ్రీ సెల్సియస్ ఉష్ణోగత్ర ఎక్కువగా, 2024 కంటే 0.13 డిగ్రీలు తక్కువగా ఉష్ణోగ్రతలు ఉన్నది. భారత్లో 1901 నుంచి నమోదవుతున్న ఉష్ణోగ్రతలను పరిశీలిస్తే 2024 సంవత్సరం అత్యంత వేడి సంవత్సరంగా నిలిచింది. దాదాపు 123 సంవత్సరాల ఉష్ణోగ్రతల సగటు కంటే 2024 సంవత్సరంలో 0.90 డిగ్రీల ఉష్ణోగ్రత ఎక్కువగా నమోదైంది. గతంలో 2017 అత్యధిక వేడి సంవత్సరంగా ఉండేది. ఆశ్చర్యకరమైన విషయం ఏంటంటే.. 2015 నుంచి 2025 మధ్య 11 సంవత్సరాలు రికార్డుల్లో అత్యంత వేడి సంవత్సరాలుగా నమోదయ్యాయి.
యూరోపియన్ యూనియన్ క్లైమేట్ మానిటరింగ్ ప్రోగ్రామ్ కోపర్నికస్ క్లైమేట్ చేంజ్ సర్వీస్ తాజాగా విడుదల చేసిన నివేదికల ప్రకారం.. గత మూడు సంవత్సరాలుగా ప్రతినెలా రికార్డు స్థాయిలో అత్యంత వేడి నెలల్లో ఒకటిగా నిలిచింది. 2025లో ప్రపంచంలో దాదాపు సంగం ప్రాంతం ఏడాది పొడవునా సాధారణం కంటే ఎక్కువ ఉష్ణోగ్రతలు నమోదయ్యాయి. ఇది సగటు కంటే అధిక ఉష్ణోగ్రత ఒత్తిడికి దారి తీశాయి. ముఖ్యంగా ఎల్ నినో లాంటి పరిస్థితులు లేనప్పటికీ సముద్ర ఉపరితల ఉష్ణోగ్రతలు చారిత్రాత్మకంగా అధిక స్థాయిలో కొనసాగాయని నివేదిక పేర్కొంది. ధ్రువ ప్రాంతాల్లోనూ అసాధారణ వేడి ప్రపంచ సగటు ఉష్ణోగత్రను మరింత పెంచింది. కోపర్నికస్ క్లైమేట్ చేంజ్ సర్వీస్ డైరెక్టర్ కార్లో బుయోంటెంపో మాట్లాడుతూ.. 1.5 డిగ్రీల ఉష్ణోగ్రతలను ఖచ్చితంగా అధిగమిస్తామని, దాని ప్రభావాన్ని ప్రపంచం ఎలా ఎదుర్కొంటుందనేదే ప్రశ్న అంటూ ఆందోళన వ్యక్తం చేశారు. ఈ డేటా వాతావర మార్పు అనేది భవిష్యత్ కాదని.. నేటి వాస్తవిక అంశమని అని స్పష్టంగా చూపిస్తుందని, పెరుగుతున్న ముప్పును తగ్గించేందుకు వేగంగా ఉద్గారాలను తగ్గించడం, నిర్దిష్ట చర్యలు తీసుకోవాలని సూచిస్తుందని వాతావరణ నిపుణులు పేర్కొంటున్నారు.
యూరోపియన్ సెంటర్ ఫర్ మీడియం-రేంజ్ వెదర్ ఫోర్కాస్టింగ్ (ECMWF) ప్రకారం.. 2023-2025 మధ్య మూడేళ్ల సగటు ఉష్ణోగ్రత పారిశ్రామిక యుగం (1850–1900) కంటే 1.5 డిగ్రీల కంటే ఎక్కువగా ఉంది. వరుసగా మూడు సంవత్సరాల సగటు కీలక పరిధిని దాటడం ఇదే మొదటిసారి. 2025లో ప్రపంచ సగటు ఉపరితల ఉష్ణోగ్రతలు పారిశ్రామిక పూర్వ స్థాయిల కంటే 1.47 డిగ్రీలు ఎక్కువగా ఉంటాయని డేటా సూచించింది. ప్రస్తుత వేగం ఇలాగే కొనసాగితే.. దీర్ఘకాలిక 1.5 డిగ్రీల పరిమితిని ఈ దశాబ్దం చివరి నాటికి అధిగమించవచ్చని శాస్త్రవేత్తలు అంచనా వేస్తున్నారు. ఇది గతంలో అంచనా వేసిన దాని కంటే దాదాపు ఒక దశాబ్దం ముందుగానే అన్నమాట. నివేదిక ప్రకారం.. 2025 అంటార్కిటికాలో రికార్డు స్థాయిలో అత్యంత వేడి సంవత్సరంగా నిలిచింది. అయితే, ఆర్కిటిక్లో రెండోసారి ఇలా జరుగడం. ప్రపంచ స్థాయిలో ఉష్ణోగ్రతలు రికార్డు స్థాయిలో రెండోసారి అత్యధిక స్థాయిలో నమోదయ్యాయి. ఉష్ణమండల ప్రాంతాల్లో ఉష్ణోగ్రతలు 2023–24తో పోలిస్తే కొద్దిగా తక్కువగా ఉన్నాయి. కానీ, ధ్రువ ప్రాంతాలలో అసాధారణమైన వేడి కారణంగా ఈ వ్యత్యాసాన్ని సమతుల్యం చేసింది.
జనవరి 14, 2026
జనవరి 14, 2026
జనవరి 14, 2026
Developed & Published by TRINETHRA MEDIA HOUSE PVT. LTD,
Sai Madhu Towers, Plot No. 17, Rohini Layout Rd, Jaihind Enclave, Madhapur, Hyderabad, Telangana 500081.
Copyright © 2025 . All rights reserved. - Powered by : Veegam