Venkatesh | విక్ట‌రీ వెంక‌టేష్ ఆక‌లిదేవుడు – అనౌన్స్‌మెంట్ త‌ర్వాత ఆగిపోయిన భారీ బ‌డ్జెట్ మూవీ – డైరెక్ట‌ర్ ఎవ‌రంటే?

Venkatesh |  హీరో విక్ట‌రీ వెంక‌టేష్‌, డైరెక్ట‌ర్ కోడిరామ‌కృష్ణ‌ల‌ది టాలీవుడ్‌లో సూప‌ర్ హిట్ కాంబినేష‌న్‌. వీరిద్ద‌రి క‌ల‌యిక‌లో వ‌చ్చిన శ‌త్రువు, శ్రీనివాస క‌ళ్యాణం సూప‌ర్ హిట్స్‌గా నిల‌వ‌గా...దేవీపుత్రుడు వెరైటీ మూవీగా తెలుగు ప్రేక్ష‌కుల‌ను అల‌రించింది. ఈ మూడు సినిమాలే కాకుండా వెంక‌టేష్, కోడి రామ‌కృష్ణ క‌లిసి మ‌రో సినిమా చేయాల్సింది. ఈ మూవీ కోసం టైటిల్ కూడా రిజిస్ట‌ర్ చేయించారు. అనుకున్న దానికంటే బ‌డ్జెట్ ఎక్కువ కావ‌డంతో అనౌన్స్‌మెంట్‌తోనే ఈ సినిమా ఆగిపోయింది.

ఆక‌లి దేవుడు...

శ్రీనివాస క‌ళ్యాణం, శ‌త్రువు త‌ర్వాత వెంక‌టేష్ హీరోగా కోడి రామ‌కృష్ణ డైరెక్ష‌న్‌లో ఓ సినిమాను నిర్మించాల‌ని అనుకున్నారు న‌టుడు, నిర్మాత కాస్ట్యూమ్స్ కృష్ణ. ఈ సినిమాకు ఆక‌లిదేవుడు అనే టైటిల్‌ను రిజిస్ట‌ర్ చేయించారు. అప్ప‌ట్లో వెంక‌టేష్ కెరీర్‌లోనే భారీ బ‌డ్జెట్ సినిమాగా ఆక‌లిదేవుడు తెర‌కెక్కించ‌బోతున్న‌ట్లు ప్ర‌క‌టించ‌డంతో టాలీవుడ్ వ‌ర్గాల్లో చ‌ర్చ‌నీయాంశంగా మారింది.

ఢిల్లీలో షూటింగ్‌...

క‌థానుగుణంగా ఆక‌లిదేవుడు షూటింగ్ చాలా వ‌ర‌కు ఢిల్లీలోనే షూట్ చేయ‌బోతున్న‌ట్లు నిర్మాత కాస్ట్యూమ్స్ కృష్ణ వెల్ల‌డించారు. కోడిరామ‌కృష్ణ శైలిలోనే సామాజిక ఇతివృత్తానికి హీరోయిజం, క‌మ‌ర్షియ‌ల్ హంగులు జోడించి ఈ సినిమాను రూపొందించ‌బోతున్న‌ట్లు చెప్పారు. వెంక‌టేష్ కెరీర్‌లోనే బెస్ట్ మూవీ అవుతుందంటూ పేర్కొన్నారు.

బాలీవుడ్ హీరోయిన్‌...

హీరోయిన్‌గా ఓ బాలీవుడ్ బ్యూటీ ఆక‌లిదేవుడుతో టాలీవుడ్‌లోకి ఎంట్రీ ఇవ్వ‌నున్న‌ట్లు ప్ర‌చారం జ‌రిగింది. షూటింగ్ డేట్స్‌ను కూడా రివీల్ చేశారు. కానీ అనుకున్న టైమ్‌కు సినిమా మాత్రం సెట్స్‌పైకి రాలేదు. ఆ త‌ర్వాత సినిమాపై ఎలాంటి అప్‌డేట్ రాలేదు. బ‌డ్జెట్ ప‌ర‌మైన స‌మ‌స్య‌ల వ‌ల్ల ఈ మూవీని కోడిరామ‌కృష్ణ‌, వెంక‌టేష్ ఆపేసిన‌ట్లు ప్ర‌చారం జ‌రిగింది. అలా అనౌన్స్‌మెంట్‌తోనే ఆక‌లిదేవుడుకు ప్యాక‌ప్ ప‌డింది. ఈ సినిమా ఆగిపోయిన చాలా ఏళ్ల త‌ర్వాత వెంక‌టేష్‌తో దేవిపుత్రుడు చేశారు కోడి రామ‌కృష్ణ‌.