Megha Akash | ఒకే సారి ఓటీటీలోకి వ‌చ్చిన మేఘా ఆకాష్ రెండు తెలుగు సినిమాలు

Megha Akash |  మేఘా ఆకాష్ హీరోయిన్‌గా న‌టించిన రెండు తెలుగు సినిమాలు ఒకేసారి ఓటీటీలో రిలీజ‌య్యాయి. రొమాంటిక్ ల‌వ్‌స్టోరీగా ఓ సినిమా తెర‌కెక్క‌గా...ఫ్యామిలీ ఎంట‌ర్‌టైన‌ర్‌గా మ‌రో మూవీ రూపొందింది.

ప్రేమ‌దేశం

మేఘా ఆకాష్‌, త్రిగుణ్ హీరోహీరోయిన్లుగా న‌టించిన ప్రేమ‌దేశం మూవీ గురువారం నుంచి ఈటీవీ విన్ ఓటీటీలో స్ట్రీమింగ్ అవుతోంది. శ్రీకాంత్ సిద్దం ద‌ర్శ‌క‌త్వం వ‌హించిన సినిమాలో సీనియ‌ర్ హీరో మ‌ధుబాల‌తో పాటు బిగ్‌బాస్ కంటెస్టెంట్స్ అజ‌య్ క‌తుర్వార్‌, అమ‌ర్‌దీప్ చౌద‌రి కీల‌క పాత్ర‌ల్లో న‌టించారు. 2023లో థియేట‌ర్ల‌లో రిలీజైన ఈ మూవీ దాదాపు మూడేళ్ల త‌ర్వాత ఈటీవీ విన్ ఓటీటీలో రిలీజైంది. ఈటీవీ విన్‌తో పాటు అమెజాన్ ప్రైమ్‌లో కూడా ప్రేమ‌దేశం అందుబాటులో ఉంది.

ఆద్య‌కు ప్ర‌పోజ్‌...

రెండు ప్రేమ‌క‌థ‌ల‌తో ద‌ర్శ‌కుడు శ్రీకాంత్ ఈ సినిమాను రూపొందించారు. ఆద్య (మేఘా ఆకాష్‌), అర్జున్ ( త్రిగుణ్ ప్రేమించుకుంటారు. ప్రేమ‌దేశం అనే కేఫ్‌లో ఆద్య‌కు ప్ర‌పోజ్ చేయాల‌ని అర్జున్ అనుకుంటాడు. కానీ ఓ యాక్సిడెంట్ ఇద్ద‌రి జీవితాల‌ను మ‌లుపుతిప్పుతుంది. ఆద్య‌, అర్జున్‌ల‌కు శివ‌, మాయ అనే జంట క‌థ‌తో ఉన్న సంబంధ‌మేమిట‌న్న‌దే ఈ మూవీ క‌థ‌.

స‌హ‌కుటుంబానాం...

రామ్‌కిర‌ణ్‌, మేఘా ఆకాష్ జంట‌గా న‌టించిన స‌హ‌కుటుంబానాం అమెజాన్ ప్రైమ్ వీడియోలో రిలీజైంది. రాజేంద్ర‌ప్ర‌సాద్‌, బ్ర‌హ్మానందం కీల‌క పాత్ర‌ల్లో న‌టించిన ఈ మూవీకి ఉద‌య్ శ‌ర్మ ద‌ర్శ‌క‌త్వం వ‌హించాడు. మ‌ణిశ‌ర్మ మ్యూజిక్ అందించాడు.

క‌ళ్యాణ్ క‌థ‌...

క‌ళ్యాణ్ మిడిల్ క్లాస్ కుటుంబానికి చెందిన అబ్బాయి. త‌న ఫ్యామిలీ గురించి అంద‌రికి గొప్ప‌గా చెబుతుంటాడు. కుటుంబానికి అత‌డు ఇచ్చే విలువ న‌చ్చి సిరి అనే అమ్మాయి క‌ళ్యాణ్‌ను ఇష్ట‌ప‌డుతుంది. పెళ్లి కొద్ది రోజుల్లో ఉంద‌న‌గా క‌ళ్యాణ్ గురించి సిరికి షాకింగ్ నిజం తెలుస్తుంది? అదేమిటి? త‌న కుటుంబం నుంచి క‌ళ్యాణ్ దూరంగా బ‌త‌కాడానికి కార‌ణ‌మేమిట‌న్న‌దే ఈ మూవీ క‌థ‌.