Aalim Hakim | సెలిబ్రిటీ స్టైలిస్ట్ ఆలిమ్ హ‌కీమ్ హెయిర్ క‌ట్‌కు ఎంత ఛార్జ్ చేస్తాడో తెలుసా!

Aalim Hakim | ఆలిమ్ హ‌కీమ్‌...సెలిబ్రిటీల అంద‌రి నోళ్ల‌లో త‌ర‌చుగా వినిపించే పేరు. విరాట్ కోహ్లి (Virat Kohli) నుంచి ప్ర‌భాస్ (Prabhas) వ‌ర‌కు ఎంతో మంది స్టార్ హీరోలు, క్రికెట‌ర్ల‌కు ప‌ర్స‌న‌ల్ హెయిర్ స్టైలిష్ట్‌గా ఆలిమ్ హ‌కీమ్ ప‌నిచేస్తున్నాడు. సాధార‌ణంగా హీరోల‌కు ఫ్యాన్స్ ఉంటారు. కానీ హీరోలంద‌రూ ఆలిమ్ హ‌కీమ్ ఫ్యాన్స్ కావ‌డం గ‌మ‌నార్హం. ఓ కొత్త సినిమా మొద‌లైందంటే హీరో లుక్ కోసం ఆలిమ్ హ‌కీమ్ రంగంలోకి దిగాల్సిందే.
ప్ర‌భాస్ స్పిరిట్‌, ఎన్టీఆర్ ప్ర‌శాంత్ నీల్ డ్రాగ‌న్‌, రామ్‌చ‌ర‌ణ్ పెద్ది...ప్ర‌స్తుతం ప‌లు పాన్ ఇండియ‌న్ సినిమాల‌కు స్టైలిష్ట్‌గా ఆలిమ్ హ‌కీమ్ ప‌నిచేస్తున్నాడు.
హీరోను మాస్‌గా త‌యారు చేయాల‌న్నా, క్లాస్ లుక్‌తో చూపించాల‌న్న ఆలిమ్ హ‌కీమ్ చేతిలోనే ఉంటుంది. డైరెక్ట‌ర్ల సూచ‌న‌ల‌కు అనుగుణంగా హీరోల లుక్‌ల‌ను డిజైన్ చేస్తుంటారు. హెయిర్ స్టైలిస్ట్ అయినా ఆలిమ్ హ‌కీమ్ సంపాద‌న మాత్రం హీరోల‌కు ఏ మాత్రం త‌గ్గ‌ని రేంజ్‌లో ఉంటుంద‌ట‌.
హెయిర్ క‌టింగ్ కోసం ఆలిమ్ హ‌కీమ్ మినిమం ల‌క్ష రూపాయ‌లు ఛార్జ్ చేస్తాడు. జీఎస్‌టీ అద‌నం. అత‌డితో హెయిర్ క‌టింగ్ చేయించుకోవ‌డం కూడా అంత ఈజీ కాదు. ముంద‌స్తు అపాయింట్‌మెంట్‌లు, బుకింగ్స్‌...ఇలా చాలానే త‌తంగం ఉంటుంద‌ట‌. ముందుగా ల‌క్ష రూపాయ‌లు చెల్లిస్తేనే అత‌డికి అపాయింట్‌మెంట్ దొరుకుతుంద‌ట‌. అయితే ఎవ‌రికి ప‌డితే వారికి ఆలీమ్ హ‌కీమ్ స్టైలిష్ట్‌గా ప‌నిచేయ‌డ‌ట‌. సెలిబ్రిటీస్‌ను ఎంచుకునే విష‌యంలో చాలా సెలిక్టివ్‌గా ఉంటాడ‌ట‌. ఈ విష‌యాన్ని ఆయ‌నే స్వ‌యంగా వెల్ల‌డించాడు.
అదే సినిమాల‌కు అయితే హ‌కీమ్ రేటు స‌ఫ‌రేట్‌గా ఉంటుంది. ఒక్కో సినిమాకు 18 నుంచి 20 ల‌క్ష‌ల వ‌ర‌కు రెమ్యూన‌రేష‌న్ తీసుకుంటాడు. ఇండియాలోనే కాకుండా దుబాయ్‌లో కూడా ఇటీవ‌లే ఆలిమ్ హ‌కీమ్ సేవ‌లు అందుబాటులోకి వ‌చ్చాయి . ఫ్లైట్ ఛార్జీలు కూడా క‌స్ట‌మ‌ర్ల నుంచే వ‌సూలు చేస్తాడ‌ట‌. ఈ విష‌యాన్ని కూడా ఓ ఇంట‌ర్వ్యూలో ఆలీమ్ హ‌కీమ్ వెల్ల‌డించాడు.
ఆలిమ్ హ‌కీమ్‌కు సోష‌ల్ మీడియాలో ఫ్యాన్ ఫాలోయింగ్ భారీగానే ఉంది. ఇన్‌స్టాగ్రామ్‌లో అత‌డికి 12.8 మిలియ‌న్ల‌కుపైగా ఫాలోవ‌ర్స్ ఉన్నారు. చాలా మంది స్టార్ హీరోల కంటే అత‌డి ఎక్కువ‌గా ఫాలోవ‌ర్స్ ఉండ‌టం గ‌మ‌నార్హం.