Virosh Wedding | ఇట్స్ అఫీషియ‌ల్ – భార్యాభ‌ర్త‌లుగా మారిన విరోష్ – పెళ్లి ఫొటోలు వైర‌ల్‌

Virosh Wedding |  విజ‌య్ దేవ‌ర‌కొండ‌, ర‌ష్మిక మంద‌న్న క‌లిసి ఏడ‌డుగులు వేశారు. మూడుముళ్ల బంధంతో ఒక్క‌ట‌య్యారు. పెళ్లితో త‌మ జీవితంలో కొత్త అధ్యాయాన్ని మొద‌లుపెట్టారు. విజ‌య్‌, ర‌ష్మిక పెళ్లి రాజ‌స్థాన్ ఉద‌య్‌పూర్‌లోని మెమోంటోస్ హోట‌ల్‌లో ఘ‌నంగా జ‌రిగింది. పెళ్లి ఫొటోల‌ను వీరిద్ద‌రు అభిమానుల‌తో పంచుకున్నారు. ర‌ష్మిక మెడ‌లో మూడుముళ్లు వేశాడు విజ‌య్. త‌న అర్ధాంగిగా ఆమెను జీవితంలోకి ఆహ్వానించారు. మ‌రోవైపు ర‌ష్మిక కూడా నా భ‌ర్త‌ను విజ‌య్ దేవ‌ర‌కొండ‌ను మీకు ప‌రిచ‌యం చేస్తున్నా అంటూ పెళ్లి త‌ర్వాత తొలి పోస్ట్‌ను సోష‌ల్ మీడియాలో పెట్టింది.
వీరిద్ద‌రి పెళ్లి ఫొటోలు సోష‌ల్ మీడియాలో వైర‌ల్ అవుతోన్నాయి. ఈ ఫొటోల్లో ఆరెంజ్ గోల్డ్ క‌ల‌ర్ శారీలో పెళ్లి కూతురిగా ర‌ష్మిక మెరిసిపోతుండ‌గా...వైట్ క‌ల‌ర్ ధోతీ, ఎరుపు రంగు పంచెతో విజ‌య్ క‌నిపించారు.

రెండు ప‌ద్ద‌తుల్లో....

విజ‌య్‌, ర‌ష్మిక పెళ్లి హిందూ సంప్ర‌దాయంతో పాటు కొడ‌వ ప‌ద్ద‌తిలో జ‌రిగింది. గురువారం ఉద‌యం తెలంగాణ సంస్కృతి ప్ర‌కారం ఈ జంట పెళ్లి చేసుకున్నారు. సాయ‌త్రం కొడ‌వ ఆచారాన్ని ఫాలో అవుతూ మ‌రోసారి ర‌ష్మికను వివాహ‌మాడారు విజ‌య్ దేవ‌ర‌కొండ‌. మూడు రోజుల పాటు వీరి పెళ్లి వేడుక జ‌రిగింది.
విజ‌య్‌, ర‌ష్మిక పెళ్లికి టాలీవుడ్ నుంచి సందీప్ రెడ్డి వంగా, త‌రుణ్ భాస్క‌ర్‌తో పాటు మ‌రికొంత‌మంది అతిథులు హాజ‌ర‌య్యారు. విజ‌య్‌, ర‌ష్మిక రిసెప్ష‌న్ మార్చి 4న హైదారాబాద్‌లో జ‌రుగ‌నుంది.