Toxic | టాక్సిక్ నుంచి తబాహి సాంగ్ వ‌చ్చేసింది.. ట్రెండింగ్‌లో యశ్, కియారా జోడీ..!

Toxic | కన్నడ స్టార్ యశ్ హీరోగా తెర‌కెక్కుతున్న పాన్‌ ఇండియా చిత్రం ‘టాక్సిక్’పై రోజురోజుకూ అంచనాలు పెరుగుతున్నాయి. తాజాగా ఈ సినిమా నుంచి విడుదలైన ‘తబాహి’ తొలి వీడియో సాంగ్‌కు మంచి రెస్పాన్స్ వ‌స్తోంది. పాట విడుదలైన కొద్దిసేపటికే ట్రెండింగ్‌లో ఉన్న‌ది. ‘తబాహి’ పాటలో యశ్, కియారా అద్వానీల మధ్య కెమిస్ట్రీ ప్రత్యేక ఆకర్షణగా నిలిచింది. ఇద్దరి కాంబినేషన్‌లో తెరకెక్కించిన సన్నివేశాలు సినిమాపై ఆసక్తిని మరింత పెంచుతున్నాయి. పాటలోని విజువల్స్, భారీ సెట్స్, స్టైలిష్ ప్రెజెంటేషన్ ప్రేక్షకులను ఆకట్టుకునేలా ఉన్నాయి. యాక్షన్‌ ఎంటర్‌టైనర్‌గా రూపొందుతున్న ఈ చిత్రంలో ప్రేమ, భావోద్వేగాలకు కూడా ప్రాధాన్యత ఉంటుందని ఈ పాట ద్వారా అర్థమవుతోంది.

ఈ పాట తెలుగు వెర్షన్‌కు ప్రముఖ గేయ రచయిత రామజోగయ్య శాస్త్రి సాహిత్యం అందించారు. పాటకు సంగీత పరంగా మంచి స్పందన వ‌స్తోంది. ‘టాక్సిక్’ చిత్రానికి ప్రముఖ దర్శకురాలు గీతూ మోహన్‌దాస్ దర్శకత్వం వ‌హిస్తున్నారు. భారీ బడ్జెట్‌తో తెరకెక్కుతున్న ఈ సినిమాలో నయనతార, హుమా ఖురేషి, తారా సుతారియా, కియారా అద్వానీ కీలక పాత్రల్లో కనిపించనున్నారు. రవి బస్రూర్, తనిష్క్ బాగ్చీ మ్యూజిక్ అందించారు. కెవీఎన్ ప్రొడక్షన్స్, మాన్‌స్టర్ మైండ్ క్రియేషన్స్ బ్యానర్లపై రూపొందుతున్న ఈ చిత్రానికి యశ్ నిర్మాతగా కూడా వ్యవహరిస్తున్నాడు. ఈ యాక్షన్ థ్రిల్లర్‌ను ఆగస్టు 26న ప్రపంచవ్యాప్తంగా విడుదల చేసేందుకు చిత్రబృందం సన్నాహాలు చేస్తోంది. ‘కేజీఎఫ్’ తర్వాత యశ్ నుంచి వస్తున్న మరో భారీ చిత్రం కావడంతో ‘టాక్సిక్’పై సినీ వర్గాల్లో భారీ అంచనాలు నెలకొన్నాయి.