Jayam Ravi | తిరుమలలో ప్రియురాలితో జ‌యం ర‌వి – ఓటు వేయ‌కుండా రావ‌డంపై నెటిజన్ల ట్రోలింగ్‌

Jayam Ravi |  త‌మిళ‌నాడు అసెంబ్లీఎన్నిక‌ల వేళ హీరో జ‌యం ర‌విని నెటిజ‌న్లు తెగ ట్రోల్ చేస్తున్నారు. గురువారం జ‌రుగుతోన్న ఎన్నిక‌ల్లో ర‌జ‌నీకాంత్‌, ధ‌నుష్‌, అజిత్‌, శివ‌కార్తికేయ‌న్‌తో పాటు ప‌లువురు త‌మిళ‌ స్టార్ హీరోలు త‌మ ఓటు హ‌క్కును వినియోగించుకున్నారు. కానీ జ‌యం ర‌వి మాత్రం ఎన్నిక‌ల‌కు దూరంగా ఉన్నారు. గురువారం రోజున ప్రియురాలు కెనీషాతో క‌లిసి తిరుమ‌ల‌కు వ‌చ్చారు జ‌యం ర‌వి. శ్రీ వెంక‌టేశ్వ‌ర స్వామిని ద‌ర్శించుకున్నారు.

నెటిజ‌న్ల విమ‌ర్శ‌లు...

నెటిజ‌న్లు మాత్రం జ‌యం ర‌విని తెగ ట్రోల్ చేస్తున్నారు. సెలిబ్రిటీ అయ్యుండి ఓటింగ్‌కు దూరంగా ఉండ‌టం స‌రికాదంటూ విమ‌ర్శ‌లు గుప్పిస్తున్నారు. సినిమాల్లో హీరో అనిపించుకుంటే స‌రిపోద‌ని, రియ‌ల్ లైఫ్‌లో అలాగే ఉండాల‌ని అంటున్నారు.

పెళ్లి కుదిరిందా?

మ‌రోవైపు సింగ‌ర్ కెనీషాను జ‌యం ర‌వి పెళ్లి చేసుకోబోతున్న‌ట్లు చాలా కాలంగా రూమ‌ర్లు వినిపిస్తున్నాయి. పెళ్లి వార్త‌ల న‌డుమ వీరిద్ద‌రు తిరుమ‌ల రావ‌డం ఆస‌క్తిక‌రంగా మారింది. సింగ‌ర్ కెనీషా కార‌ణంగానే జ‌యం ర‌వికి, అత‌డి భార్య ఆర్తికి మ‌ధ్య విభేదాలు మొద‌లైన‌ట్లు కోలీవుడ్‌లో రూమ‌ర్లు వినిపిస్తున్నాయి. త‌న ఇష్టంతో సంబంధం లేకుండా జ‌యం ర‌వి విడాకుల ప్ర‌క‌ట‌న చేశారంటూ ఆర్తి ఆరోపించింది. ప్ర‌స్తుతం వీరి విడాకుల కేసు న‌డుస్తోంది. త‌న‌తో పాటు త‌న పిల్ల‌ల పోష‌ణ కోసం నెల‌కు న‌ల‌భై ల‌క్ష‌ల వ‌ర‌కు భ‌ర‌ణంగా ఇవ్వాల‌ని ఆర్తి పిటిష‌న్ వేసింది.

స్నేహం మాత్ర‌మే...

మ‌రోవైపు ఆర్తి ఆరోప‌ణ‌ల‌ను జ‌యం ర‌వి ఖండించారు. గ‌త కొన్నేళ్లుగా ఆర్తి త‌న‌ను మాన‌సికంగా వేధింపుల‌కు గురిచేస్తోంద‌ని, ఆస్తుల‌న్నీంటిని త‌న పేరు మీద‌కు బ‌దిలీ చేసుకుంద‌ని, త‌న‌కంటూ వ్య‌క్తిగ‌తంగా ఎలాంటి ఆస్తులు లేవ‌ని చెప్పారు. మ‌రోవైపు సింగ‌ర్ కెనీషాతో త‌న‌కు ఉన్న స్నేహం మాత్ర‌మేన‌ని, క‌ష్ట‌స‌మ‌యంలో త‌న‌కు అండ‌గా నిలిచింద‌ని చెప్పాడు.
ప్ర‌స్తుతం త‌మిళంలో క‌రాటే బాబు, బ్రో కోడ్‌తో పాటు జీనీ సినిమాలు చేస్తున్నాడు జ‌యం ర‌వి.