Shraddha Kapoor | చిన్నారి అభిమానిని కలిసిన శ్రద్ధా కపూర్‌.. వైరల్‌గా మారిన క్యూట్ వీడియో..!

Shraddha Kapoor | బాలీవుడ్ నటి శ్రద్ధా కపూర్ ఎక్కడికి వెళ్లినా సందడి కనిపిస్తుంది. ఆమె కనిపించిందంటే చాలు, అభిమానులు పెద్ద ఎత్తున చేరుకొని ఫొటోలు తీసుకునేందుకు ఆసక్తి చూపిస్తుంటారు. తాజాగా ఆమెకు సంబంధించిన ఒక వీడియో సోషల్ మీడియాలో వైరల్‌గా మారింది. ఈ వీడియోలో శ్రద్ధా కపూర్ పలువురు అభిమానులను ప్రేమగా పలకరిస్తూ కనిపించింది. అందరిలోకన్నా ఒక చిన్నారి అభిమానిని కలువడం ప్రత్యేక ఆకర్షణగా నిలిచింది. ఆ చిన్నారి తో మాట్లాడిన తీరు, ఆమెపై చూపిన ఆప్యాయత వీడియోలో స్పష్టంగా కనిపిస్తోంది. ఈ సందర్భంలో ఫొటోగ్రాఫర్లు శ్రద్ధా కపూర్, ఆ చిన్నారి కలిసి ఉన్న ఫొటోలను పెద్ద ఎత్తున క్లిక్ చేశారు. ఈ వీడియో ప్రస్తుతం సోషల్ మీడియాలో విపరీతంగా షేర్ అవుతోంది. ముఖ్యంగా చిన్నారి అభిమానితో శ్రద్ధా కపూర్ ప్రవర్తించిన తీరు అభిమానులను మరింత ఆకట్టుకుంటోంది.

‘బాలీవుడ్‌లో క్యూట్‌ హీరోయిన్ ఇమే’ అని ఒక అభిమాని కామెంట్ చేయగా.. మరొకరు ‘చాలా క్యూట్‌గా ఉంది’ అంటూ రాసుకొచ్చారు. ‘చిన్నారి ఫ్యాన్‌తో శ్రద్ధా కపూర్ ఇంకా అందంగా కనిపిస్తోంది’ అంటూ మరికొందరు స్పందించారు. చాలా మంది అభిమానులు ఈ వీడియోపై రెడ్ హార్ట్, ఫైర్ ఎమోజీలతో తమ అభిమానం వ్యక్తం చేస్తున్నారు. ఇదిలా ఉండగా.. శ్రద్ధా సినిమాల విషయానికి వస్తే.. ప్రస్తుతం ‘ఈతా’ (Eetha) అనే బయోగ్రాఫికల్ డ్రామా చిత్రంలో నటించనుంది. ఈ సినిమా ప్రముఖ మరాఠీ జానపద కళాకారిణి విఠాబాయి నారాయణగావంకర్ జీవిత కథ ఆధారంగా రూపొందుతోంది. ఈ చిత్రాన్ని మ్యాడాక్స్ ఫిల్మ్స్ నిర్మిస్తుండగా, దర్శకుడు లక్ష్మణ్ ఉటేకర్ తెరకెక్కిస్తున్నారు. 1950 నుంచి 1980 దశకాల మధ్య మహారాష్ట్ర సంస్కృతి, జానపద కళను ఈ సినిమాలో ప్రతిబింబించనున్నారు. ఇందులో రందీప్ హుడా సైతం కీలక పాత్రలో నటిస్తున్నాడు.

 

View this post on Instagram

 

A post shared by Instant Bollywood (@instantbollywood)